റബ്ബറൈസ്ഡ് റോഡ് വീണ്ടും തകർച്ചയിൽ …
(വാർത്ത. രാമദാസ് ജി കൂടല്ലൂർ.)
പല്ലാവൂർ. റോഡ് നിർമ്മിച്ച് രണ്ടു വർഷം തികയുമ്പോഴേക്കും വീണ്ടും തകർന്ന പല്ലാവൂർ-നെന്മാറ റോഡ് യാത്രക്കാരുടെ ജീവന് ഭീഷണിയാകുന്നു.
ഒരു വർഷം മുൻപ് ഈ ഭാഗത്തുണ്ടായ തകർച്ചയെതുടർന്ന്
നാട്ടുകാരുടെ പരാതിയും, യൂത്ത് കോൺഗ്രസ്സിന്റെ പ്രതിഷേധവും, മാധ്യമ വാർത്തകളും മൂലം നിർമ്മാണം കഴിഞ്ഞ് ഒരു വർഷത്തിനകം തകർന്ന റോഡ് റിപ്പയർ ചെയ്തിരുന്നു.
അണ്ണക്കോട് മുതൽ വിത്തനശ്ശേരി വരെയുള്ള റോഡിന്റെ പല ഭാഗങ്ങളും വീണ്ടും തകർച്ചയിലാണ്. പല്ലാവൂരിലെ അപകട വളവിൽ അപകടകരമായ കുഴിയാണ് ഇപ്പോൾ രൂപപ്പെട്ടിരിക്കുന്നത്. സാധാരണ യാത്രക്കാരുടെ ജീവന് ഭീഷണി സൃഷ്ടിക്കുന്ന ഈ ഭാഗം എത്രയും പെട്ടന്ന് ശരിയാക്കണമെന്നും, റോഡിന്റെ തകർച്ചക്ക് പരിഹാരം കാണമെന്നും യൂത്ത് കോൺഗ്രസ് മണ്ഡലം പ്രസിഡന്റും പഞ്ചായത്ത് അംഗവുമായ മനു പല്ലാവൂർ ആവശ്യപ്പെട്ടു.
