നാഷണൽ സർവീസ് സ്കീം സപ്തദിന ക്യാമ്പ് ആരംഭിച്ചു
നെന്മാറ. ഗവൺമെന്റ് ബോയ്സ് ഹയർ സെക്കന്ററി സ്കൂൾ എൻ എസ് എസ് യൂണിറ്റിന്റെ സപ്തദിന സഹവാസ ക്യാമ്പ് “വെളിച്ചം 2022” ചാത്തമംഗലം ഗവ:യു.പി.സ്കൂളിൽ ആരംഭിച്ചു. എം.എൽ.എ കെ.ബാബു ക്യാമ്പ് ഉദ്ഘാടനംചെയ്തു. പി. ടി.എ. പ്രസിഡണ്ട് സി.ബി. രവീന്ദ്രൻ അദ്ധ്യക്ഷതവഹിച്ചു. പ്രിൻസിപ്പൽ എം.പി ശൈലജ സ്വാഗതവും പ്രോഗ്രാം ഓഫീസർ കെ.മുരളീധരൻ നന്ദിയും പറഞ്ഞ ചടങ്ങിൽ ബ്ലോക്ക് പഞ്ചായത്ത് വൈസ് പ്രസിഡന്റ് ശ്രീജ രാജീവ് , നെന്മാറ ഗ്രാമ പഞ്ചായത്ത് ആരോഗ്യ വിദ്യാഭ്യാസ സ്റ്റാന്റിംഗ് കമ്മിറ്റി ചെയർപേഴ്സൺ രതിക രാമചന്ദ്രൻ ,വാർഡ് മെമ്പർ ദീപ വിജയകുമാർ ,എം.പി.ടി.എ പ്രസിഡന്റ് റെജീന ഷെരീഫ് , കൃഷ്ണൻകുട്ടി മാസ്റ്റർ തുടങ്ങിയവർ ആശംസകൾ അർപ്പിച്ചു . .പി.ടി.എ എക്സിക്യൂട്ടീവ് അംഗങ്ങൾ,അധ്യാപകർ ,രക്ഷിതാക്കൾഎന്നിവർ സന്നിഹിതരായി.
ഫലവൃക്ഷതൈകൾ വച്ചു പിടിപ്പിക്കുന്ന തേൻകനി , അടുക്കളത്തോട്ട നിർമ്മാണം . കുടുംബശ്രീ അംഗങ്ങളെ ആദരിക്കൽ , ലഹരിവിരുദ്ധ പോസ്റ്റർപ്രദർശനം, സ്റ്റിക്കർ പതിപ്പിക്കൽ ,തെരുവുനാടകം, വിവിധ ബോധവൽക്കരണ ക്ലാസുകൾ എന്നിവ 2022 ഡിസംബർ 26 മുതൽ2023 ജനുവരി 1 വരെ നീണ്ടു നിൽക്കുന്ന ക്യാമ്പിൽ സംഘടിപ്പിക്കുന്നുണ്ട്.
(വാർത്ത. രാമദാസ് ജി കൂടല്ലൂർ.)
