കോളേജിലെ സമരം ജില്ലാ കമ്മിറ്റി ഏറ്റെടുക്കും
കഴിഞ്ഞ 2 ദിവസം തുടർച്ചയായി നിരാഹാര സമരം അനുഷ്ഠിച്ച കെ. എസ്. യു നേതാക്കളെ സംസ്ഥാന, ജില്ലാ നേതാക്കൾ സന്ദർശിച്ചു.
ചിറ്റൂർ ഗവൺമെന്റ് കോളേജിലെ കെ. എസ്. യു സമരം പാലക്കാട് ജില്ലാ നേതൃത്വം ഏറ്റെടുക്കുന്നു. അറ്റന്റൻസ് ഇല്ലാത്ത എസ് എഫ് ഐ നേതാവിനെ തെരഞ്ഞെടുപ്പിൽ മത്സരിപ്പിക്കാൻ പ്രിൻസിപ്പാലും മറ്റ് അധികൃതരും കൂട്ടു നിൽക്കുന്നു എന്ന് ആരോപിച്ച് ആണ് സമരം നടത്തുന്നത്. ഇതിന് എതിരെ നിയമപരമായും, രാഷ്ട്രീയപരമായും നേരിടും എന്നും കെ. എസ്. യു ജില്ലാ കമ്മിറ്റി വ്യക്തമാക്കി.
കഴിഞ്ഞ 2 ദിവസം തുടർച്ചയായി നിരാഹാര സമരം അനുഷ്ഠിച്ച കെ. എസ്. യു നേതാക്കളെ സംസ്ഥാന, ജില്ലാ നേതാക്കൾ സന്ദർശിച്ചു. ഷാഫി പറമ്പിൽ എംഎൽഎ കോളേജിൽ എത്തി പ്രവർത്തകരോട് സംസാരിച്ചു.
