ഗാന്ധിജിയുടെ ആദർശങ്ങളിൽ നിന്നും ഭരണകൂടം വഴി മാറി പോകുന്നു – കെ.കൃഷ്ണന്‍കുട്ടി
ആലത്തൂര്‍ –
എല്ലാ അര്‍ത്ഥത്തിലും ഗാന്ധിജിയുടെ ആദർശങ്ങളിൽ നിന്ന് രാജ്യം ഭരിക്കുന്ന ഭരണകൂടവും അതിനു നേതൃത്വം കൊടുക്കുന്നവരും വഴി മാറി പോകുന്നുവെന്ന് വെെദ്യുതി വകുപ്പു മന്ത്രി കെ.കൃഷ്ണന്‍കുട്ടി പറഞ്ഞു.
മുന്‍മന്ത്രി വി.സി.കബീര്‍ മാസ്റ്ററുടെ പതിനൊന്നാമത് പുസ്തകം മഹാത്മാഗാന്ധിയുടെ ജീവിതകഥ ഒലിവ് പബ്ലിക്കേഷന്‍സ് പ്രസിദ്ധീകരിച്ച ”കെടാവിളക്ക് ” എഴുത്തുകാരനും മലയാളം സര്‍വ്വകലാശാല പ്രൊഫസറുമായ ഡോ.സി.ഗണേഷിന് നല്‍കി പ്രകാശനം ചെയ്ത് സംസാരിക്കുകയായിരുന്നു അദ്ധേഹം. ബി.എസ്.എസ് ഗുരുകുലം ഹയര്‍സെക്കണ്ടറി സ്കൂളില്‍ നടന്ന ചടങ്ങില്‍ ബി.എസ്.എസ് എഡ്യുക്കേഷണല്‍ സൊസെെറ്റി പ്രസിഡന്‍റ് സി.ബാലചന്ദ്രന്‍ അധ്യക്ഷത വഹിച്ചു. ബാലസാഹിത്യകാരന്‍ കെ.കെ.പല്ലശ്ശന പുസ്തക പരിചയം നടത്തി. ഗാന്ധിദര്‍ശന്‍ സമിതി സംസ്ഥാന സെക്രട്ടറി ബെെജു വടക്കുംപുറം, ബി.എസ്.എസ് ഗുരുകുലം ഹയര്‍സെക്കണ്ടറി സ്കൂള്‍ പ്രിന്‍സിപ്പാള്‍ ഡോ.വിജയന്‍ വി.ആനന്ദ്, ബി.എഡ് ട്രെയിനിംഗ് കോളേജ് പ്രിന്‍സിപ്പാള്‍ ഡോ.കെ.എസ്.ബാലാംബിക തുടങ്ങിയവര്‍ പ്രസംഗിച്ചു. ഗ്രന്ഥകാരന്‍ വി.സി.കബീര്‍ മാസ്റ്റര്‍ മറുപടി പ്രസംഗം നടത്തി.
