മുതിര്ന്ന കോണ്ഗ്രസ്സ് നേതാവ് പി.ജെ.പൗലോസിനെ ഗാന്ധിദര്ശന് സമിതി ആദരിക്കുന്നു.
പാലക്കാട് –
സ്വാതന്ത്ര്യത്തിന്റെ 75 -ാം വാര്ഷികാഘോഷത്തിന്റെ ഭാഗമായി കെ.പി.സി.സി ഗാന്ധിദര്ശന് സമിതി പാലക്കാട് ജില്ലാ കമ്മിറ്റിയുടെ നേതൃത്വത്തില് സാമൂഹ്യ സാംസ്കാരിക രാഷ്ട്രീയ രംഗത്തെ മുതിര്ന്ന വ്യക്തിത്വങ്ങളെ ആദരിക്കുന്ന ”ആദരം @ 75” പരിപാടിക്ക് തുടക്കം കുറിക്കുകയും വിവിധ മേഖലകളിലെ ഒട്ടേറെപേരെ ആദരിക്കുകയും ചെയ്തിരുന്നു. ആയതിന്റെ ഭാഗമായി മുതിര്ന്ന കോണ്ഗ്രസ്സ് നേതാവ് പി.ജെ.പൗലോസിനെ ആദരിക്കുന്ന ‘സ്നേഹാദരം’ പരിപാടി സംഘടിപ്പിക്കുന്നു. ഒക്ടോബര് 15 ശനിയാഴ്ച രാവിലെ 11 മണിക്ക് മണ്ണാര്ക്കാട് ബ്ലോക്ക് പഞ്ചായത്ത് ഓഫീസിന് മുന്നിലെ ഗാന്ധി പ്രതിമയില് പുഷ്പാര്ച്ചന നടത്തുകയും, ശേഷം പി.ജെ.പൗലോസിന്റെ വസതിയിലെത്തി സ്നേഹാദരവ് നല്കുന്നു. മുന്മന്ത്രിയും കെ.പി.സി.സി ഗാന്ധിദര്ശന് സമിതി സംസ്ഥാന പ്രസിഡന്റുമായ വി.സി.കബീര് മാസ്റ്റര് പരിപാടിയുടെ ഉദ്ഘാടനം നിര്വ്വഹിക്കും. കെ.എ.ചന്ദ്രന് (മുന് എം.എല്.എ) പൊന്നാട അണിയിക്കും. സംസ്ഥാന വെെസ് പ്രസിഡന്റ് പി.ഹരിഗോവിന്ദന് മാസ്റ്റര്, സംസ്ഥാന സെക്രട്ടറി ബെെജു വടക്കുംപുറം, സംസ്ഥാന ട്രഷറര് പി.എസ്.മുരളീധരന് മാസ്റ്റര്, ജില്ലാ പ്രസിഡന്റ് എം.ബാലകൃഷ്ണന് എന്നിവരടക്കം കോണ്ഗ്രസിന്റെയും പോഷക സംഘടനകളുടെയും സംസ്ഥാന ജില്ലാ നേതാക്കമ്മാര് സ്നേഹാദരം പരിപാടിയില് പങ്കെടുക്കുമെന്ന് കെ.പി.സി.സി ഗാന്ധിദര്ശന് സമിതി മണ്ണാര്ക്കാട് നിയോജക മണ്ഡലം പ്രസിഡന്റ് കെ.ജി.ബാബു മാസ്റ്റര് അറിയിച്ചു.
