നഗരസഭയിലേക്ക്പ്രതീകാത്മക തീവ്രപരിചരണയാത്ര നടത്തി

പാലക്കാട് നഗരസഭയുടെ വികസനകാര്യത്തിലെ കെടുകാര്യസ്ഥതയ്ക്ക് തീവ്രപരിചരണം ആവശ്യമാണെന്ന് ആരോപിച്ച് നാഷണൽ ജനതാദൾ പ്രതീകാത്മക നഗരസഭാ ആസ്താന മന്ദിരവുമായി തീവ്രപരിചരണയാത്ര നടത്തി. അഞ്ചു വിളക്കിൽ നിന്നാരംഭിച്ച പ്രതിഷേധ മാർച്ച് നാഷണൽ ജനതാദൾ ജില്ലാ ട്രഷറർ എം. എ. സുൽത്താൻ ഉദ്ഘാടനം ചെയ്തു. മുനിസിപ്പൽ ബസ് സ്റ്റാന്റ് നിർമ്മാണം ഉടൻ നടത്തുക എന്നാവശ്യവുമായി നാഷണൽ ജനതാദൾ അനിശ്ചിതകാല സത്യാഗ്രഹ സമരം 108-ാം ദിവസം. പൊതുയോഗം നാഷണൽ ജനതാദൾ ജില്ലാ വൈസ് പ്രസിഡന്റ് കെ. ജെ. ഫ്രാൻസിസ് ഉദ്ഘാടനം ചെയ്തു. ജില്ലാ പ്രസിഡന്റ് സി. എം. കുഞ്ഞിമൊയ്തു, ജില്ലാ സെക്രട്ടറിമാരായ എ. വിൻസെന്റ്, കെ. ജെ നൈനാൻ, എം. എം. വർഗീസ്, പാലക്കാട് മണ്ഡലം പ്രസിഡന്റ് ആർ. സുജിത്ത്, ഫിറോസ് ചിറക്കാട്, യുവജനതാദൾ സംസ്ഥാന കമ്മിറ്റി അംഗം സൂര്യരാജ്, നെന്മാറ മണ്ഡലം പ്രസിഡന്റ് എ. ചന്ദ്രൻ, എന്നിവർ സംസാരിച്ചു