പാലക്കാട് കോഴിക്കോട് ദേശീയപാതയിൽ തുപ്പനാടിൽ കെഎസ്ആർടിസി ബസുകൾ കൂട്ടിയിടിച്ച് അപകടം. യാത്രക്കാരായ ഒമ്പതോളം പേർക്ക് പരിക്കേറ്റു.
ഇവരെ തച്ചമ്പാറയിലെ സ്വകാര്യ ആശുപത്രിയിൽ പ്രവേശിപ്പിച്ചു. ഇതിൽ നാലുപേരെ പിന്നീട് വമ്പലം മദർകെയർ ആശുപത്രിയിലേക്ക് മാറ്റി. മറ്റ് അഞ്ച് പേരെ തച്ചമ്പാറ ആശുപത്രിയിൽ പ്രാഥമിക ശുശ്രൂഷയ്ക്ക് ശേഷം വിട്ടയച്ചു.
പാലക്കാട് നിന്നും യാത്രക്കാരുമായി കോഴിക്കോട് ഭാഗത്തേക്ക് വരികയായിരുന്ന കെഎസ്ആർടിസി ബസും മണ്ണാർക്കാട് ഭാഗത്ത് നിന്നും പാലക്കാട്ടേക്ക് പോവുകയായിരുന്ന കെഎസ്ആർടിസി ബസും തമ്മിലാണ് കൂട്ടിയിടിച്ചത്.