പട്ടാമ്പി : വാടാനംകുറുശ്ശി സ്കൂളിന് മുന്നിലാണ് അപകടം ഉണ്ടായത്. പട്ടാമ്പി ഭാഗത്തേക്ക് വരുകയായിരുന്ന ലോറി സ്കൂളിന് സമീപത്തെ കയറ്റത്തിൽ എത്തിയപ്പോൾ എതിരെ വന്ന ഗുഡ്സ് ഓട്ടോറിക്ഷയിൽ ഇടിക്കുകയും ലോറിയുടെ നിയന്ത്രണം വിടുകയുമായിരുന്നു. തുടർന്ന് എതിരെ വന്ന സ്കൂട്ടറിൽ ഇടിച്ചശേഷം റോഡ് സൈഡിലെ കടയുടെയും മരത്തിന്റെയും ഇടയിലൂടെ സമീപത്തെ വീട്ടുമുറ്റത്തേക്ക് ഇടിച്ചുകയറുകയായിരുന്നു. അപകടത്തിൽ 2 സ്കൂൾ വിദ്യാര്ഥികളടക്കം 7 പേർക്ക് പരിക്കേറ്റു.
ലോറി ഡ്രൈവർ കുഴൽമന്ദം സ്വദേശി വിനീത് പരിക്കുകളില്ലാതെ രക്ഷപെട്ടു. ഗുഡ്സ് ഓട്ടോറിക്ഷയും സ്കൂട്ടറും പൂർണ്ണമായും തകർന്നു.
