കോൺഗ്രസ് ജില്ലാകമ്മിറ്റിയുടെ പദയാത്ര ഓഗസ്റ്റ് എട്ട് മുതൽ . സ്വാതന്ത്ര്യത്തിന്റെ 75-ാം വാർഷികവേളയിൽ വർഗീയതയ്ക്കും ഫാസിസത്തിനുമെതിരായ ഇന്ത്യൻ നാഷണൽ കോൺഗ്രസിന്റെ സന്ദേശം ജനങ്ങളിലെത്തിക്കാനായി കോൺഗ്രസ് ജില്ലാകമ്മിറ്റി ആറുദിവസത്തെ പദയാത്ര നടത്തും. ഓഗസ്റ്റ് എട്ടുമുതൽ 13 വരെ ഡി. സി. സി. പ്രസിഡന്റ് എ. തങ്കപ്പനാണ് പദയാത്ര നയിക്കുക. 75 കിലോമീറ്റർ പിന്നിടുന്ന പദയാത്രയിൽ 75 പ്രവർത്തകരും അണിനിരക്കും. ഓഗസ്റ്റ് എട്ടിന് വൈകീട്ട് അഞ്ചിന് ആലത്തൂർ തരൂരിൽനിന്ന് ആരംഭിക്കും. കെ. മുരളീധരൻ എം. പി. ഉദ്ഘാടനം ചെയ്യും.
വടക്കഞ്ചേരി, കൊല്ലങ്കോട്, അത്തിക്കോട്, ചന്ദ്രനഗർ തുടങ്ങിയ വിവിധ കേന്ദ്രങ്ങളിൽ സ്വീകരണം നൽകും. ഓരോ കേന്ദ്രത്തിലും വിവിധ കോൺഗ്രസ് നേതാക്കൾ പങ്കെടുക്കും. 13-ന് വൈകീട്ട് പാലക്കാട് സ്റ്റേഡിയം ബസ് സ്റ്റാൻഡ് പരിസരത്ത് നടക്കുന്ന സമാപനസമ്മേളനം പ്രതിപക്ഷനേതാവ് വി. ഡി. സതീശൻ ഉദ്ഘാടനം ചെയ്യും.