കാൻസർ രോഗികൾക്ക് മുടി മുറിച്ച് നൽകി ദിയാലക്ഷ്മി മാതൃകയായി.
പല്ലശ്ശന. അദ്ധ്യാപക ദമ്പതികളുടെ മകൾ നെന്മാറ ഗേൾസ് ഹയർസെക്കൻഡറി സ്കൂൾ 6-)ഠ ക്ലാസ് വിദ്യാർത്ഥിനി ദിയാലക്ഷ്മി കാൻസർ രോഗികൾക്ക് വേണ്ടി മുടി മുറിച്ച് നൽകി മാതൃകയായി. കുട്ടികളുടെ മനസ്സിൽ സേവന തത്പരത സൃഷ്ടിക്കുക എന്ന ലക്ഷ്യത്തോടെയാണ് മകളോട് ഈ വിഷയത്തെക്കുറിച്ച് ചർച്ചചെയ്തതെന്ന് മാതാപിതാക്കൾ പറഞ്ഞു. കൂടല്ലൂർ ഗ്രാമത്തിൽ താമസിക്കുന്ന തെന്നിലാപുരം കരുണ UP സ്കൂൾ അദ്ധ്യാപകനും,ജൈവകർഷകനുമായ A.N.പ്രസാദ്, അയിലൂർ SMHS ലെ അധ്യാപിക സരസ്വതി എന്നിവരാണ് ദിയാലക്ഷ്മിയുടെ മാതാപിതാക്കൾ. പല്ലശ്ശന ഗ്രാമപഞ്ചായത്ത് മുൻ മെമ്പർ R.കണ്ണദാസ് അറിയിച്ചതിനെത്തുടർന്ന് കേരള എമർജൻസി ടീം ചിറ്റൂർ ഡിവിഷൻ അംഗങ്ങൾ നേരിട്ടെത്തി മുടി സ്വീകരിച്ച് സർട്ടിഫിക്കറ്റ് നൽകി. വാർഡ് 11ൻ്റെ മെമ്പർ മണികണ്ഠൻ ചടങ്ങിൽ സന്നിഹിതനായി.
(വാർത്ത. രാമദാസ് ജി കൂടല്ലൂർ.)
