പാലക്കാട് ജില്ലാ പൗരസമിതിയുടെ പ്രഥമ പുരസ്ക്കാരം ബോബൻ മാട്ടുമന്തക്ക് സൂര്യൻനസ്തമിക്കാത്ത ബ്രിട്ടീഷ് സാമ്രാജ്യത്വത്തിന് മുൻപിൽ ഇന്ത്യക്കാരന്റെ ആത്മാഭിമാനം ഉയർത്തിപിടിച്ച്,നിയമ പോരാട്ടത്തിലൂടെ ജാലിയൻ വാലാബാഗിലെ കൊടും ക്രൂരത ലോക ജനതയുടെ മുന്നിലെത്തിച്ച സർ ചേറ്റൂർ ശങ്കരൻ നായർ കേരളീയ സമൂഹത്തിന്റെ അഭിമാനമാണെന്ന് പാലക്കാട് ജില്ലാ പൗരസമിതി അഭിപ്രാ യപ്പെട്ടു. അദേഹത്തിന്റെ പിന്നിട്ട ചരിത്രം രചനയും, സംവിധാനവും നിർവഹിച്ച് നാടകമാക്കി അവതരിപ്പിച്ച ബോബൻ മാട്ടുമന്തക്ക് ഇത്തവണത്തെ (2022-23) വർഷത്തിൽ ജില്ലാ പൗരസമിതി ഏർപ്പെടുത്തിയ ആദ്യത്തെ പുരസ്കാരം നൽകാൻ തീ രുമാനിച്ചതായി ചെയർമാൻ കെ.ശിവരാജേഷ്, ജനറൽ കൺവീനർ മോഹൻദാസ് പൊൽപ്പുള്ളി , എന്നിവർ അറിയിച്ചു. മെമോന്റോയും, പ്രശസ്തി പത്രവുമാണ് നൽകുക.കൂടാതെ ഇതിലെ അണിയറ പ്രവർത്തകരെയും, അഭിനേതാക്കളെയും ആദരിക്കും, എല്ലാവർഷവും 11 അംഗ പ്രത്യേക അവാർഡ് നിർണയ കമ്മിറ്റി ചേർന്ന് പാലക്കാട് ജില്ലയിലെ മികച്ച രാഷ്ട്രിയ -സാമൂഹിക -കലാ -കായിക രംഗത്തെ ഒരു വ്യക്തി യെ തിരഞ്ഞെടുക്കുമെന്ന് ഭാരവാഹികൾ അറിയിപ്പിൽ പറഞ്ഞു, ഇത്തവണത്തെ പുരസ്കാരം ഓഗസ്റ് ആദ്യവാരത്തിൽ പ്രമുഖർ പങ്കെടുക്കുന്ന ചടങ്ങിൽ വെച്ച് ബോബൻമാട്ടുമന്തക്ക് നൽകും. എന്ന്, കെ.ശിവരാജേഷ് (ചെയർമാൻ, ജില്ലാ പൗരസമിതി,പാലക്കാട്) മോഹൻദാസ് പൊൽപ്പുള്ളി(ജനറൽ കൺവീനർ, ജില്ലാ പൗരസമിതി, പാലക്കാട്) 17-7-2022.