150 വർഷത്തിലേറെ പഴക്കമുള്ള പാലക്കാട് നഗരസഭ കോർപറേഷനായി ഉയർത്താൻ നടപടി സ്വീകരിക്കണമെന്ന് എൻ സി പി പാലക്കാട് ജില്ലാ നേതൃയോഗം സർക്കാറിനോട് ആവശ്യപ്പെട്ടു. കഴിഞ്ഞ തവണ പുതിയ കോർപറേഷൻ രൂപികരിച്ചപ്പോൾ പാലക്കാടിന് സാദ്ധ്യതയും അർഹതയും ഉണ്ടായിട്ടും ചിലരുടെ സങ്കുചിത രാഷ്ട്രീയ താൽപര്യങ്ങൾക്ക് വേണ്ടി അതിനെ അട്ടിമറിക്കുകയാണ് ചെയ്തതെന്ന് യോഗം അംഗീകരിച്ച പ്രമേയത്തിൽ കുറ്റപ്പെടുത്തി. .
ജില്ലാ പ്രസിഡണ്ട്എ രാമസ്വാമി അദ്ധ്യക്ഷത വഹിച്ചു. സംസ്ഥാന ജനറൽ സെക്രട്ടറി ടി എൻ ശിവശങ്കരൻ ഉദ്ഘാടനം ചെയ്തു. ജൂൺ 10 എൻ സി പി സ്ഥാപക ദിനമായി ആചരിക്കാനും ജൂൺ 27 ന് സി ഷൺമുഖദാസിന്റെ അനുസ്മരണ യോഗം നടത്തുവാനും തീരുമാനിച്ചു. സംസ്ഥാന ജനറൽ സെക്രട്ടറി പി എ റസാഖ് മൗലവി, സംസ്ഥാന നേതാക്കൾ പങ്കെടുത്തു.