റോബിൻസൻ റോഡ് ഗതാഗതക്കുരുക്കിൽ
—– ജോസ് ചാലയ്ക്കൽ —-
പാലക്കാട്: ജില്ല ആശുപത്രിക്കു മുന്നിൽ നിന്നും മിഷ്യൻ സ്കൂൾ, കെ.എസ്.ആർ.ടിസി ബസ്റ്റാൻ്റ്, ‘ ടൗൺ ബസ്റ്റാൻ്റ് എന്നിവടങ്ങളിലേക്ക് വേഗം എത്താവുന്ന റോഡായ റോബിൻസൻ റോഡിൽ ഗതാഗതക്കുരുക്ക് സ്ഥിരം പതിവായിരിക്കയാണ്. ജില്ലാശുപത്രിയിൽ നിന്നും വരുന്ന രോഗികളെ കൊണ്ടു പോകുന്നതും ജില്ലാശുപത്രിയിലേക്ക് രോഗികളെ കൊണ്ടുവരുന്നതുമായ വാഹനങ്ങളും കുരുക്കിൽപ്പെട്ട് പലപ്പോഴുംകഷ്ടപ്പെടുകയാണ്.ഈ റോഡിലെ ചില സ്വകാര്യ സ്ഥാപനങ്ങളിലേക്ക് വരുന്ന വാഹനങ്ങൾ റോഡിൻ്റെ ഇരുവശവും പാർക്ക് ചെയ്യുന്നതിനാലാണ് കരുക്കുണ്ടാവുന്നതെന്ന് പരിസരത്തെ കച്ചവടക്കാർ പറഞ്ഞു. സ്കാനിങ്ങും മറ്റും നടത്തുന്ന സ്ഥാപനത്തിലേക്കെത്തുന്ന വാഹനങ്ങളാണ് റോഡരുകിൽ പാർക്ക് ചെയ്യുന്നവയിൽ ഭൂരിഭാഗവും ഇത്തരം സ്ഥാപനങ്ങൾ പാർക്കിങ്ങ് സൗകര്യം ഏർപ്പെടുപ്പെടുത്തണമെന്ന ജനകീയ ആവശ്യം ശക്തമായിരിക്കയാണ് ട്രാഫിക് പോലീസിൻ്റെ ശ്രദ്ധ ഇവിടേക്ക് തിരിയുന്ന മെന്നും അവർ ആവശ്യപ്പെട്ടു.
ഫോട്ടോ: റോബിൻസൻ റോഡിലെ ഗതാഗതക്കുരുക്ക്.