പുസ്തക പ്രകാശനവും ആസ്വാദനക്കുറിപ്പ് എഴുത്തുമത്സരവും നടത്തി.
കിഴക്കഞ്ചേരി. വായനാവാരത്തോടനുബന്ധിച്ച് കിഴക്കഞ്ചേരി പാണ്ടാംകോട് സ്വരാജ് വായനശാലയുടെ ആഭിമുഖ്യത്തിൽ 07-07-2022ന് തൃപ്പന്നൂരിലെ എ.യു.പി സ്കൂളിൽ വെച്ച് യു.പി തലത്തിലുള്ള വിദ്യാർത്ഥികൾക്കായി ആസ്വാദനക്കുറിപ്പ് എഴുത്തുമത്സരം നടത്തി. യുവ എഴുത്തുകാരിയും, ആലത്തൂർ GST വകുപ്പ് ജീവനക്കാരിയും സ്വരാജ് വനിതാവേദി രക്ഷാധികാരിയുമായ ശ്രീമതി. ബുഷറ എഴുതിയ ചെറുകഥാ സമാഹാരമായ ഒസ്യത്തിൽ ഇല്ലാത്ത രഹസ്യങ്ങൾ എന്ന 12 ചെറുകഥകൾ അടങ്ങിയ പുസ്തകമാണ് പ്രകാശനം ചെയ്തത്. സ്കൂൾ ഹെഡ്മാസ്റ്റർ ബിജു മാസ്റ്റർ ഉത്ഘാടനം നിർവ്വഹിച്ച ചടങ്ങിൽ സ്വരാജ് വായനശാല ഭാരവാഹികളായ ലൈബ്രേറിയൻ മണികണ്ഠൻ സ്വാഗതവും പ്രസിഡന്റ് പ്രസാദ് അദ്ധ്യക്ഷതയുംവഹിച്ചു. ജോബി മാസ്റ്റർ നന്ദി പറഞ്ഞു.
ശ്രീമതി.ആശാ അശോകൻ പുസ്തക പരിചയം നടത്തിയതോടൊപ്പം വായനശാലയുടെ വികസനോന്മുഗമായ കഴിഞ്ഞകാല പ്രവർത്തനങ്ങൾ അനുസ്മരിക്കപ്പെട്ടു. മത്സരവിജയികൾക്കുള്ള സമ്മാനം ജൂലൈ 11ന് സ്കൂൾ അസംബ്ലിയിൽ വെച്ച് നൽകപ്പെടുമെന്ന് ഭാരവാഹികൾ അറിയിച്ചു.
വാർത്ത. രാമദാസ് ജി കൂടല്ലൂർ)