തകർത്ത ഗാന്ധി പ്രതിമകൾ പുന:സ്ഥാപിക്കണം -ഗാന്ധിദർശൻ വേദി

വടക്കഞ്ചേരി: സംസ്ഥാനത്ത് പയ്യന്നൂരിൽ ഉൾപ്പെടെ തകർത്ത ഗാന്ധി പ്രതിമകൾ പുനഃസ്ഥാപിക്കുകയും, കുറ്റക്കാരെ ശിക്ഷിക്കുകയും ചെയ്യുക, അക്രമ രാഷ്ട്രീയം അവസാനിപ്പിക്കുക, സർക്കാറിൻ്റെ പുതിയ മദ്യനയം തിരുത്തുക തുടങ്ങിയ ആവശ്യങ്ങൾ ഉന്നയിച്ചു കൊണ്ട് കേരളാ പ്രദേശ് ഗാന്ധിദർശൻ വേദി തരൂർ നിയോജക മണ്ഡലം കമ്മിറ്റിയുടെ ആഭിമുഖ്യത്തിൽ പാലക്കാട് ജില്ലാതല പ്രതിഷേധ സദസ്സ് വടക്കഞ്ചേരി മന്ദ മൈതാനത്ത് സംഘടിപ്പിച്ചു.കേരള പ്രദേശ് ഗാന്ധിദർശൻ വേദി പാലക്കാട് ജില്ലാ ചെയർമാൻ പി.പി.വിജയകുമാർ ഉദ്ഘാടനം ചെയ്തു. ഗാന്ധിദർശൻ വേദി തരൂർ നിയോജക മണ്ഡലം ചെയർമാൻ എ.ഭാസ്ക്കരൻ അദ്ധ്യക്ഷത വഹിച്ചു. ഡി.സി.സി.സെക്രട്ടറി കെ.ജി.എൽദോ മുഖ്യ പ്രഭാഷണം നടത്തി. ഗാന്ധിദർശൻ വേദി ജില്ലാ ജനറൽ സെക്രട്ടറി എ.ശിവരാമകൃഷ്ണൻ, ജില്ലാ ട്രഷറർ ടി.എൻ.ചന്ദ്രൻ, കെ.മോഹൻദാസ്, റജികെ.മാത്യു, ബാബുമാധവൻ, വി.ശ്രീനാഥ്, കരയങ്കാട് ശിവരാമകൃഷ്ണൻ, പി.ഉണ്ണികൃഷ്ണൻ, വി.വിജയമോഹനൻ, വി.കൃഷ്ണദാസ് എന്നിവർ പ്രസംഗിച്ചു.