നെല്ലിയാമ്പതി : നെന്മാറ ബ്ലോക്ക് പഞ്ചായത്ത് ആരോഗ്യമേളയോടനുബന്ധിച്ച് നെല്ലിയാമ്പതി ഗ്രാമപഞ്ചായത്തിന്റെയും, പ്രാഥമിക ആരോഗ്യ കേന്ദ്രത്തിന്റെയും സംയുക്താഭിമുഖ്യത്തിൽ നെല്ലിയാമ്പതി പുലയമ്പാറയിൽ നടത്തിയ വോളിബോൾ ടൂർണമെന്റ് വാർഡ് മെമ്പർ സിന്ധു ഉദ്ഘാടനം ചെയ്തു .നെല്ലിയാമ്പതിയുടെ വിവിധഭാഗങ്ങളിൽ നിന്നും ആറോളം ടീമുകൾ ടൂർണമെന്റിൽ പങ്കെടുത്തു.
മത്സരത്തിന്റെ സമാപന സമ്മേളനം ബ്ലോക്ക് പഞ്ചായത്ത് മെമ്പർ ഫാറൂഖ് ഉദ്ഘാടനം ചെയ്തു. നെല്ലിയാമ്പതി ഹെൽത്ത്‌ ഇൻസ്‌പെക്ടർ ജ്യോതിസാബു അധ്യക്ഷതവഹിച്ചു. ഒന്നാംസ്ഥാനം നേടിയ കൊട്ടയംകാട് പ്രതിഭാ ആർട്സ് & സ്‌പോർട്സ് ക്ലബിന്
ഗ്രീൻലാൻഡ് പലകപാണ്ടി എസ്റ്റേറ്റ് മാനേജർ മാർട്ടിൻ ക്യാഷ് പ്രൈസും, രണ്ടാംസമ്മാനം നേടിയ പുലയമ്പാറ എ.ആർ. സൺസ് ടീമിന് ഐ.ടി.എൽ. അസി. മാനേജർ ദിനേശ് ക്യാഷ് പ്രൈസും നൽകി.
മത്സരത്തിനാവശ്യമായ നെറ്റും, ബോളും സീതാർക്കുണ്ടിലെ പോബ്സൺ എസ്റ്റേറ്റ് നൽകി. ടൂർണമെന്റിൽ റഫറികളായീ പി.ഒ. ജോസഫ്, ഷബീർ പുലയമ്പാറ എന്നിവർ റഫറികളായി പ്രവർത്തിച്ചു. കൂടാതെ സുധികുമാർ, സതീഷ് പുതുപ്പാടി , സൈനു സണ്ണി, റീജാ പ്രകാശ് എന്നിവർ പ്രസ്തുത പരിപാടിക്ക് നേതൃത്വം നൽകി.
ടൂർണമെന്റിൽ ഒന്നാം സമ്മാനം നേടിയ ടീമിന് ജൂൺ 25ന് ശനിയാഴ്ച നെന്മാറ ബോയ്സ് ഹയർ സെക്കണ്ടറി സ്കൂളിൽ നടക്കുന്ന ബ്ലോക്ക് പഞ്ചായത്ത് സംഘടിപ്പിക്കുന്ന ആരോഗ്യമേളയിൽവെച്ച് എം.എൽ. എ വിജയികൾക്ക് ട്രോഫി സമ്മാനിക്കും.
പ്രസ്തുത പരിപാടിയിൽ ജൂനിയർ ഹെൽത്ത്‌ ഇൻസ്‌പെക്ടർമാരായ ശ്രീ. അഫ്സൽ സ്വാഗതവും , ആരോഗ്യം ജോയ്സൺ നന്ദിയും രേഖപ്പെടുത്തി.
(വാർത്ത. രാമദാസ് ജി കൂടല്ലൂർ).
