മെയ് മൂന്നിന് കാണാതായ വാച്ചർ രാജനെ കണ്ടെത്തുന്നതിനുള്ള അന്വേഷണത്തിനായി പൊലീസിന്റെ പ്രത്യേക സംഘത്തെ നിയോഗിക്കാൻ തീരുമാനം. ജില്ലാ കലക്ടർ, ജില്ലാ പൊലീസ് സൂപ്രണ്ട് എന്നിവരുമായി നടത്തിയ ചർച്ചയിലാണ് ഇക്കാര്യത്തിൽ ധാരണയായതെന്ന് വനംവകുപ്പ് മന്ത്രി എകെ ശശീന്ദ്രൻ അറിയിച്ചു.
കഴിഞ്ഞ മാസം 28 വരെ രാജൻ മൊബൈൽ ഫോൺ ഉപയോഗിച്ചിരുന്നതായാണ് വ്യക്തമായിട്ടുള്ളത്. ഇതിന് ശേഷം കാര്യമായ ഉപയോഗമുണ്ടാകാത്തതിനാലാണ് ലൊക്കേഷൻ കണ്ടെത്താൻ സാധിക്കാതെ പോകുന്നത്. തിരച്ചിൽ തുടരാൻ നിർദേശം നൽകിയിട്ടുള്ളതായും മന്ത്രി പറഞ്ഞു.
