സ്പീക്കർ എം ബി രാജേഷിന്റെ പേരും ചിത്രവും ഉപയോഗിച്ച് വാട്ട്സ്ആപ്പിലൂടെ തട്ടിപ്പ്. തന്റെ പേരിലുള്ള വ്യാജ അക്കൗണ്ട് സാമ്പത്തികമായി ഉൾപ്പെടെ ദുരുപയോഗം ചെയ്യാനിടയുണ്ടെന്ന് സ്പീക്കർ മുന്നറിയിപ്പ് നൽകി. വ്യാജ വാട്ട്സ്ആപ്പ് അക്കൗണ്ടിനെതിരെ ഡിജിപിക്ക് പരാതി നൽകിയെന്ന് സ്പീക്കർ ഫേസ്ബുക്കിലൂടെ അറിയിച്ചു.
സഹായം അഭ്യർത്ഥിച്ച് സന്ദേശമയച്ചുള്ള തട്ടിപ്പിനെതിരെ ജാഗ്രത വേണം. 7240676974 എന്ന നമ്പരോ വാട്ട്സ്ആപ്പ് അക്കൗണ്ടോ തനിക്കില്ലെന്നും അദ്ദേഹം കൂട്ടിച്ചേർത്തു.
