ഗാന്ധിദർശൻ വേദി കെ.റെയിൽ വിരുദ്ധ ധർണ്ണ നടത്തി.

പാലക്കാട്: കെ.റെയിൽ വേണ്ട കേരളം മതി, കെ.റെയിൽ പദ്ധതിയിൽ നിന്നും കേരള സർക്കാർ പൂർണ്ണമായി പിൻമാറണം എന്നി ആവശ്യങ്ങൾ ഉന്നയിച്ചുകൊണ്ടു് കേരളാ പ്രദേശ് ഗാന്ധിദർശൻ വേദി പാലക്കാട് ജില്ലാ കമ്മിറ്റിയുടെ ആഭിമുഖ്യത്തിൽ കോട്ടമൈതാനത്തെ രക്ത സാക്ഷി മണ്ഡപത്തിനു മുമ്പിൽ പ്രതിഷേധർണ്ണ നടത്തി.
നിരവധി കുടുംബങ്ങളുടെ വീടും സ്ഥലവും ഇല്ലാതാക്കി, കേരളത്തെ നെടുകെ പിളർത്തി കൊണ്ടു് ഈ പദ്ധതി നടപ്പിലാക്കുവാൻ പോകുന്നത് സാമ്പത്തീക ലാഭം ലക്ഷ്യം വെച്ചു കൊണ്ട് മാത്രമാണെന്ന് ധർണ്ണ ഉദ്ഘാടനം ചെയ്തു കൊണ്ട് കെ.പി.സി.സി.ജനറൽ സെക്രട്ടറി പ്രൊഫ: കെ.എ. തുളസി പറഞ്ഞു. ജില്ലാ ചെയർമാൻ പി.പി വിജയകുമാർ അധ്യക്ഷത വഹിച്ചു. ജില്ലാ ജനറൽ സെക്രട്ടറി എ.ശിവരാമകൃഷ്ണൻ, ചിറ്റൂർ ചന്ദ്രൻ ,എം.എം.തോമസ്സ്, വി.ആർ.കുട്ടൻ, ടി.എൻ.ചന്ദ്രൻ ,കെ .ടി.പുഷ്പവല്ലി നമ്പ്യാർ, ലക്ഷമി പത്മനാഭൻ ,പി .വി.സഹദേവൻ, പി.ശശിശേഖരൻ, പി.മധുസൂദനൻ ,എ.ഭാസ്ക്കരൻ, യു.പി.മുരളീധരൻ, കെ.വി.അനിൽകുമാർ, സജിത, സി.സി.സതീഷ്, കെ.ഉണ്ണികൃഷ്ണൻ, ടി.റഫീക്ക് ഡീൻ, പി.വിശ്വംബരൻ എന്നിവർ പ്രസംഗിച്ചു.