ജില്ലാ ക്ഷീരവികസന വകുപ്പ് ഈ വർഷത്തെ ക്ഷീരകർഷക പുരസ്കാരങ്ങൾ പ്രഖ്യാപിച്ചു. പാലക്കാട് പ്രസ് ക്ലബ്ബിൽ നടത്തിയ വാർത്താ സമ്മേളനത്തിൽ ക്ഷീരവികസന വകുപ്പ് ഡെപ്യൂട്ടി ഡയറക്ടർ ജ സുജീഷ് ആണ് വിജയികളെ പ്രഖ്യാപിച്ചത്. പന്നി പെരിന്തല ക്ഷീര സഹകരണ സംഘത്തിലെ ഹക്കീം ബി ആണ് മികച്ച ക്ഷീര കർഷകൻ . 150 കറവപ്പശുക്കളിൽ നന്നായി 135699 ലിറ്റർ പാൽ അളന്നാണ് ചിറ്റൂർ ബ്ലോക്കിലെ ഈ ക്ഷീരകർഷകൻ നേട്ടം സ്വന്തമാക്കിയത്. നന്ദിയോട് ക്ഷീര സംഘത്തിലെ വനിതാ ക്ഷീരകർഷകയും ഗൈനക്കോളജിസ്റ് മായ ഡോക്ടർ പ്രതിഭ റാണിയാണ് മികച്ച വനിത ക്ഷീരകർഷക . ആർ ബി പുത്തൂർ ക്ഷീരസഹകരണ സംഘം ആണ് ജില്ലയിലെ മികച്ച ഗുണമേന്മയുള്ള പാൽ സംരംഭക സംഘത്തിനുള്ള പുരസ്കാരം നേടിയത്. മുതലമട കിഴക്ക് ക്ഷീരസംഘത്തിലെ തന്നാസിയാണ് മികച്ച എസ് സി ക്ഷീരകർഷകർ. ജില്ലാതല ക്ഷീര സംഗമത്തിന്റെ
ഭാഗമായി നടത്തിയ ക്വിസ് മത്സരം ചിത്രരചന പ്രബന്ധ മത്സരം എന്നിവയിലെ വിജയികളെയും പ്രഖ്യാപിച്ചു. ജില്ലാതല ക്ഷീരസംഘമത്തിന്റെ ഭാഗമായി കോഴിപ്പാറയിൽ മാർച്ച് 30ന് കന്നുകാലി പ്രദർശനം മാർച്ച് 31ന് സെമിനാറുകൾ ബോധവൽക്കരണ ക്ലാസുകൾ തുടങ്ങിയവ നടക്കും ഏപ്രിൽ ഒന്നിന് നടക്കുന്ന പൊതുസമ്മേളനം ക്ഷീരവികസന വകുപ്പ് മന്ത്രി ചിഞ്ചു റാണി ഉദ്ഘാടനം ചെയ്യും.ചിറ്റൂർ ക്ഷീര വികസന ഓഫീസർ അഫ്സ എംഎസ്, പ്രോഗ്രാം ചെയർമാൻ ദേവസഹായം, മാടമ്പാറ ക്ഷീര സംഘം പ്രസിഡണ്ട് ബാബുരാജ് കെ എന്നിവരും വാർത്താസമ്മേളനത്തിൽ പങ്കെടുത്തു.