സീനിയർ ചേംബർ വിജയസ്മൃതി പുരസ്‌കാരം വി. ടി. ശോഭനക്ക്

മുൻ സീനിയർ ചേംബർ വനിതാ വിഭാഗം ആധ്യക്ഷ വിജയജയരാജന്റെ സ്മരണാർത്ഥം ജില്ലയിൽ പരിമിതമായ ജീവിത സാഹചര്യത്തിൽ മികച്ച സാമൂഹ്യ പ്രവർത്തനം നടത്തുന്ന വനിതക്കുള്ള വിജയസ്മൃതി പുരസ്‌കാരം പട്ടാമ്പി പേരുമുടിയൂർ സ്വാന്തനത്തിൽ വി. ടി.ശോഭനക്ക് കോങ്ങാട് എം. എൽ. എ അഡ്വ. കെ. ശാന്തകുമാരി സമ്മാനിക്കും. ഫലകവും പതിനായിരം രൂപയും അടങ്ങുന്നതാണ് പുരസ്‌കാരം. മാർച്ച് ആറിന് വൈകീട്ട് അഞ്ചര മണിക്ക് ടോപ് ഇൻ ടൌൺ ഹാളിൽ പാലക്കാട് സീനിയർ ചേംബർ സി.ടി. ലിൻസണിന്റെ അധ്യക്ഷതയിൽ നടക്കുന്ന ചടങ്ങിൽ സീനിയർ ചേംബർ ഇന്റർ നാഷണൽ ദേശീയ വൈസ് പ്രസിഡന്റ് കെ. പി. എ. റഹ്മാൻ മുഖ്യാതിഥി ആയിരിക്കും. മുൻ പാലക്കാട് നഗരസഭ ചെയർപേഴ്സൺ പ്രമീള ശശിധരൻ സ്ത്രീകളും സമൂഹസേവനവും എന്ന വിഷയത്തിൽ മുഖ്യ പ്രഭാഷണം നടത്തും. മുൻ നഗരസഭ അധ്യക്ഷ പി. എ. രമണിഭായ്, മുൻ പ്രിൻസിപ്പൽ ഡോ. പി. മുരളി, ഡെപ്യൂട്ടി ഡയറക്ടർ ഓഫ് പ്രോസിക്യൂഷൻ കെ. ഷീബ എന്നവരടങ്ങുന്ന ജഡ്ജിങ് കമ്മിറ്റി ആണ് അപേക്ഷകരിൽ നിന്ന് പുരസ്കാര ജേതാവിനെ തിരഞ്ഞെടുത്തത്. പുരസ്‌കാരസമിതി കൺവീനർ
കെ. നന്ദകുമാർ, മുൻ സെക്രട്ടറി ജനറൽ പി. പ്രേംനാഥ്, കെ. പി. രാജി, കെ. ദേവദാസ്, ജയശ്രീ ബാലകൃഷ്ണൻ, ലിനി ലിൻസൺ എന്നിവർ സംസാരിക്കും
കലാ സാഹിത്യ സാമൂഹ്യ സാംസ്‌കാരിക മേഖലകളിൽ സജീവ സാന്നിധ്യമായ വി. ടി. ശോഭന, കുടുംബശ്രീയുടെ നിരവധി ക്യാമ്പുകളിൽ റിസോഴ്സ് പേഴ്സണായും ആയിരക്കണക്കിന് കുടുംബശ്രീ പ്രവർത്തകർക്ക് ക്ലാസുകൾ നയിച്ചും വനിതകളെ സമൂഹത്തിന്റെ മുഖ്യധാരയിൽ കൊണ്ടുവരുവാൻ തിരുവാതിരക്കളി, നാടകങ്ങൾ തുടങ്ങിയവയുടെ രചന, സംവിധാനം നിർവഹിച്ചും, സാക്ഷരത, കമ്പ്യൂട്ടർ സാക്ഷരത പ്രവർത്തനങ്ങളിൽ മാസ്റ്റർ ട്രൈനെർ, പഞ്ചായത്തിലെ വാതിൽപടി സേവന വോളന്റീർ, ശാരീരിക മാനസിക വെല്ലുവിളി നേരിടുന്നവർക്ക് സഹായഹസ്തം, ചവിട്ടുകളി ജനകീയമാക്കുന്നതിനുള്ള പ്രവർത്തനങ്ങൾ, പുസ്തക പ്രസാധക, ഷോർട്ട് ഫിലിമുകളിൽ അഭിനയം സഹ സംവിധാനം തുടങ്ങി സർവോപരി വനിതകളുടെ വഴികാട്ടിയുമാണ്
ഭർത്താവ് : സഞ്ജയ്‌, മക്കൾ : സൗരവ്.എസ്. പി, ഋതുജ. എസ്.പി.