നെല്ലിയാമ്പതി :നെല്ലിയാമ്പതി പ്രാഥമിക ആരോഗ്യകേന്ദ്രത്തിലെ സ്കൂൾ ഹെൽത്ത് നഴ്സിന് യാത്രയയപ്പ് നൽകി. ദേശീയ ആരോഗ്യ ദൗത്യത്തിന്റെ കീഴിൽ നെല്ലിയാമ്പതി പ്രദേശത്തു നാലരവർഷത്തോളം സ്കൂൾ ഹെൽത്ത് നഴ്സ് ആയി സുധീർഘമായ സേവനം അനുഷ്ഠിച്ച കുമാരി അഞ്ജലി വിജയന് ഇന്നലെ നെല്ലിയാമ്പതി പ്രാഥമിക ആരോഗ്യ കേന്ദ്രത്തിലെ ജീവനക്കാർ ഊഷ്മളമായ യാത്രയയപ്പ് നൽകി. സംസ്ഥാന ഇ.എസ്. ഐ. വകുപ്പിൽ പി. എസ്. സി. വഴി സ്ഥിരനിയമനം ലഭിച്ചതിനെ തുടർന്നാണ് അഞ്ജലി വിജയന് യാത്രയയപ്പ് നൽകിയത്. കോവിഡ് മാനദണ്ഡങ്ങൾ പാലിച്ചുകൊണ്ട് കൈകാട്ടിയിൽ നടന്ന യാത്രയയപ്പ് സമ്മേളനം ഡോക്ടർ ലക്ഷ്മി ഉദ്ഘാടനം ചെയ്തു. ക്ലർക്ക് എം. ഗിരീഷ് അധ്യക്ഷത വഹിച്ചു. ചടങ്ങിൽ ജീവനക്കാരായ റീജ, മായ, നന്ദിത, ദാമോദരൻ, വിശന്ത്, രോഹിണി, രുദ്ര, മുനുസ്വാമി, സീതാലക്ഷ്മി എന്നിവർ ആശംസകൾ അർപ്പിച്ചു.
തുടർന്ന് ജീവനക്കാരുടെ സ്നേഹോപഹാരം നെല്ലിയാമ്പതി ഹെൽത്ത് ഇൻസ്പെക്ടർ ജ്യോതി സാബു കുമാരി അഞ്ജലി വിജയന് നൽകി. 2018 ലെ പ്രളയ സമയത്തും, 2020ലെ കോവിഡ് കാലഘട്ടത്തിലും രാവും,പകലും വ്യത്യാസമില്ലാതെ അഹോരാത്രം നെല്ലിയാമ്പതിയിൽ ആരോഗ്യ രംഗത്ത് തന്റെ സേവനത്തിലൂടെ വ്യക്തി മുദ്ര പതിപ്പിച്ച വ്യക്തിയാണ് വടക്കഞ്ചേരി സ്വദേശിയായ അഞ്ജലി വിജയൻ. പ്രസ്തുത പരിപാടിയിൽ ജൂനിയർ ഹെൽത്ത് ഇൻസ്പെക്ടർ മാരായ ജെ. ആരോഗ്യം ജോയ്സൺ സ്വാഗതവും, ബി. അഫ്സൽ നന്ദിയും രേഖപ്പെടുത്തി.
