പൊതു ആരോഗ്യ മേഖലയിൽ ബഹുജന പങ്കാളിത്തം അനിവാര്യം – ശ്രീ പി മമ്മികുട്ടി, MLA
ഓൾ ഇന്ത്യ ബാങ്ക് എംപ്ലോയീസ് അസോസിയേഷന്റെ പ്ലാറ്റിനം ജൂബിലിയോടാനുബന്ധിച്ചു കേരളത്തിലെ എല്ലാ ജില്ലകളിലും ആരോഗ്യ രംഗത്തു നടത്തുന്ന വിവിധ സാമൂഹ്യ പ്രതിബദ്ധത പദ്ധതികളുടെ ഭാഗമായി ഷൊർണ്ണൂർ കമ്മ്യൂണിറ്റി ഹെൽത്ത് സെന്ററിൽ ഐ പി വർഡിന് മുകളിൽ നിർമിച്ച ട്രസ് വർക്കിന്റെ ഉദ്ഘാടനം ബഹുമാനപെട്ട ഷൊർണ്ണൂർ എം എൽ എ ശ്രീ പി മമ്മികുട്ടി നിർവഹിച്ചു.പൊതു ആരോഗ്യ രംഗത്ത് ബഹുജന പങ്കാളിത്തം അനിവാര്യം ആണെന്നും ശ്രീ മമ്മിക്കുട്ടി പറഞ്ഞു.
ഷൊർണ്ണൂർ നഗരസഭ ചെയർമാൻ ശ്രീ എം കെ ജയപ്രകാശ് മുഖ്യാതിഥിയായി.എഐ ബി ഇ എ ജില്ലാ വൈസ് ചെയർമാൻ എൻ സുന്ദരൻ അധ്യക്ഷത വഹിച്ച യോഗത്തിൽ എ ഐ ബി ഇ എ ജില്ലാ സെക്രട്ടറി കെ സന്തോഷ്കുമാർ സ്വാഗതവും പി ടി പ്രദീപ്കുമാർ നന്ദിയും പറഞ്ഞു. മുനിസിപ്പൽ സ്റ്റാന്റിംഗ് കമ്മിറ്റി ചെയർമാൻ മാരായ ശ്രീ കെ കൃഷ്ണകുമാർ, എസ് ജി മുകുന്ദൻ, മെഡിക്കൽ ഓഫീസർ ഡോക്ടർ അശ്വതി,മുനിസിപ്പൽ കൗണ്സിലർമാരായ ,ശ്രീ നന്ദകുമാർ,എ ഐ ബി ഇ എ സംസ്ഥാന പ്രസിഡന്റ് കെ എസ് കൃഷ്ണ,ജനറൽ സെക്രട്ടറി ബി രംപ്രകാശ്, എ ഐ ബി ഇ എ ജനറൽ കൌൺസിൽ അംഗം ആർ ചന്ദ്രശേഖരൻ തുടങ്ങിയവർ ആശംസകൾ അർപ്പിച്ചു സംസാരിച്ചു.
