മുഖ്യമന്ത്രിക്കെതിരേ വധഭീഷണി; ബിജെപി പ്രവർത്തകനെതിരേ കേസ്
പാലക്കാട് എലപ്പുള്ളി സ്വദേശി ജയപ്രകാശിനെതിരെയാണു കേസെടുത്തത്.
പാലക്കാട്: മുഖ്യമന്ത്രിക്കെതിരേ വധഭീഷണി മുഴക്കുകയും അസഭ്യ വർഷം നടത്തുകയും ചെയ്ത ബിജെപി പ്രവർത്തകനെതിരേ കേസ്. പാലക്കാട് എലപ്പുള്ളി സ്വദേശി ജയപ്രകാശിനെതിരെയാണു കേസെടുത്തത്. ജയപ്രകാശ് മുഖ്യമന്ത്രിക്കെതിരെ വധഭീഷണി മുഴക്കിയ വീഡിയോ കഴിഞ്ഞ ദിവസമാണ് സമൂഹ മാധ്യമങ്ങളിൽ വ്യാപകമായി പ്രചരിച്ചത്.
പിന്നാലെ സിപിഎം പ്രവർത്തകർ ജയപ്രകാശിനെതിരേ കേസെടുക്കണമെന്ന് ആവശ്യപ്പെട്ട് പോലിസിൽ പരാതി നൽകി.
അതേസമയം, ജയപ്രകാശിനെ പോലിസ് ഇതുവരെ അറസ്റ്റ് ചെയ്തിട്ടില്ല. പ്രതി ഒളിവിലാണെന്നാണ് പോലിസ് വ്യക്തമാക്കുന്നത്.
