കിസാൻ ജനത കലകട്രേറ്റിന് മുന്നിൽ ശയന പ്രദക്ഷിണം ചെയ്തു

നെല്ലിന്റെ വില 28.12 രൂപയിൽ നിന്ന് 28 രൂപയാക്കി വെട്ടിക്കുറച്ച സർക്കാർ നടപിടിയിൽ പ്രതിഷേധിച്ചുകൊണ്ടും നെല്ലിന്റെ അനുവദനീയ മായ ഈർപ്പത്തിന്റെ അളവ് 20 ശതമാനമാക്കണമെന്നും സംഭരിച്ച് നെല്ലി ന് ഉടൻ പണം നൽകണമെന്നാവശ്യപ്പെട്ടുകൊണ്ടും ഭാരതീയ നാഷണൽ കിസാൻ ജനത പാലക്കാട് ജില്ലാ കമ്മിറ്റി കലകട്രേറ്റിലേക്ക് മാർച്ച് നടത്തി കലകട്രേറ്റിന് മുന്നിൽ ശയന പ്രദക്ഷിണം ചെയ്തു. മാർച്ചിൽ കിസാൻ ജനത സംസ്ഥാന സെക്രട്ടറി നാരായണൻകുട്ടി കൂടല്ലൂർ അധ്യക്ഷത വഹിച്ചു. ഭാരതീയ നാഷണൻ ജനതാദൾ ജില്ലാ പ്രസിഡണ്ട് എ എം ഷിബു ഉദ്ഘാടനം ചെയ്തു. കെ ജെ നൈനാൻ, ഹരിദാസ് പാച്ചറാണി കെ സൂര്യരാജ്, തുടങ്ങിയവർ പ്രസംഗിച്ചു. പ്രഭാകരൻ മരുതറോഡ് സ്വാഗ തവും പി. ആർ. ഐശ്വര്യ നന്ദിയും പറഞ്ഞു. സണ്ണികുന്നത്ത്, എ. വിൻസന്റ് എം. എം. വർഗ്ഗീസ് തുടങ്ങിയവർ നേതൃത്വം നൽകി.