ബിവറേജസ് ഔട്ട്ലറ്റിലെ കളക്ഷന് തുകയുമായി ജീവനക്കാരന് മുങ്ങി
പാലക്കാട് കാഞ്ഞിരപ്പുഴയില് ബിവറേജസ് മദ്യവില്പ്പന കേന്ദ്രത്തിലെ കളക്ഷന് തുകയുമായി ജീവനക്കാരന് മുങ്ങി. കാഞ്ഞിരത്ത് പ്രവര്ത്തിയ്ക്കുന്ന മദ്യവില്പ്പന കേന്ദ്രത്തിലെ ജീവനക്കാരന് ഗിരീഷാണ് നാലു ദിവസത്തെ കളക്ഷന് തുകയായ മുപ്പത്തൊന്നേകാല് ലക്ഷം രൂപയുമായി മുങ്ങിയത്. സംഭവത്തില് മണ്ണാര്ക്കാട് പൊലീസ് കേസെടുത്ത് അന്വേഷണം തുടങ്ങി.
കാഞ്ഞിരം ബിവറേജസ് മദ്യവില്പ്പന കേന്ദ്രത്തിലെ ജീവനക്കാരനും ആലത്തൂര് സ്വദേശിയുമായ ഗിരീഷാണ് പണവുമായി മുങ്ങിയത്. ഒക്ടോബര് 21 മുതല് 24 വരെയുള്ള നാലു ദിവസത്തെ കളക്ഷന് തുകയായ 31, 25, 240 രൂപയുമായാണ് ഇയാള് കടന്നുകളഞ്ഞത്. കഴിഞ്ഞ നാലു ദിവസവും ബാങ്ക് അവധിയായതിനാലാണ് പണം അടക്കാതിരുന്നത്. ഈ പണം ചിറക്കല്പ്പടിയിലെ എസ്ബിഐ ശാഖയില് അടക്കാനായി ഷോപ്പ് മാനേജര് കൊടുത്തു വിട്ടപ്പോഴാണ് പണവുമായി മുങ്ങിയത്. ഇന്ന് 12 മണിയോടെയാണ് ഗിരീഷ് ബാങ്കിലേക്ക് പോയത്. എന്നാല് രണ്ടു മണിയായിട്ടും തിരിച്ചെത്താതെ വന്നതോടെയാണ് അധികൃതര് സംശയം തോന്നി വിളിയ്ക്കുന്നത്. സംഭവത്തില് പൊലീസ് കേസെടുത്ത് അന്വേഷണമാരംഭിച്ചു.
സാമ്ബത്തിക പ്രശ്നങ്ങളുണ്ടെന്നും പോവുകയാണെന്നും വ്യക്തമാക്കിയുള്ള സന്ദേശം ഷോപ്പ് മാനേജര്ക്ക് അയച്ച ശേഷമാണ് മുങ്ങിയത്. ഇയാള് സമീപത്തെ പെട്രോള് പമ്ബില് നിന്നും ഇന്ധനം നിറച്ചതിന്്റെ സിസിടിവി ദൃശ്യങ്ങള് ലഭിച്ചിട്ടുണ്ട്. രണ്ടു വര്ഷത്തിലേറെയായി കാഞ്ഞിരം ഷോപ്പിലെ ജീവനക്കാരനാണ് ഗിരീഷ്. ഇയാള് വാളയാര് അതിര്ത്തി കടന്നതായി പൊലിസിന് വിവരം ലഭിച്ചിട്ടുണ്ട്. ഇതര സംസ്ഥാനങ്ങള് കേന്ദ്രീകരിച്ച് അന്വേഷണം ഊര്ജിതമാക്കിയതായി പൊലീസ് പറഞ്ഞു.
