പാലക്കാട് പുതുശ്ശേരി സിപിഐഎമ്മിലെ കൂട്ടനടപടികള് മരവിപ്പിച്ച് ജില്ലാ കമ്മിറ്റി. എലപ്പുള്ളി ലോക്കല് കമ്മിറ്റി സെക്രട്ടറി കെ.വാസു ഉള്പ്പെടെയുള്ള 20 പേര്ക്കെതിരായ അച്ചടക്ക നടപടിയാണ് മരവിപ്പിച്ചത്
കൂടാതെ മുന് പഞ്ചായത്ത് പ്രസിഡന്റ് കെ.ഹരിദാസിനെ ഏരിയ കമ്മിറ്റി അംഗമായി നിലനിര്ത്തും. സിപിഐഎം സംഘടനാസമ്മേളനങ്ങള് തുടങ്ങാന് ആഴ്ചകള് ശേഷിക്കേയാണ് പാലക്കാട് പുതുശ്ശേരി ഏരിയാകമ്മിറ്റിക്ക് കീഴില്കൂട്ട നടപടിയുണ്ടായത്.
കണ്ണാടി ബാങ്ക് ക്രമക്കേട് ആരോപണത്തിലും നടപടി സിപിഐഎം ജില്ലാ കമ്മിറ്റി ലഘൂകരിച്ചു. ബാങ്ക് സെക്രട്ടറിയും ലോക്കല് കമ്മിറ്റി അംഗവുമായ പി.സുരേഷിനെ പുറത്താക്കേണ്ട തീരുമാനത്തിലാണ് സിപിഐഎം. ഏരിയ കമ്മിറ്റിംഗം കെ.ഉണ്ണികൃഷ്ണനെ ബ്രാഞ്ച് ഘടകത്തിലേക്ക് തരംതാഴ്ത്തിയ നടപടി സിപിഐഎം ശരിവച്ചു.
പാര്ട്ടിക്ക് അവമതിപ്പുണ്ടാക്കുന്ന നടപടികള് ഇവരുടെ ഭാഗത്തുനിന്നുമുണ്ടായി എന്നതായിരുന്നു കണ്ടെത്തല്. ബാങ്കില് സാമ്ബത്തിക ക്രമക്കേട് നടന്നെന്ന് പാര്ട്ടി തലത്തിലുള്ള അന്വേഷണത്തില് സ്ഥിരീകരിച്ചിരുന്നു.
