എസ് വൈ എസ് അലനല്ലൂർ സോൺ സാന്ത്വനം എമർജൻസി ടീം അംഗങ്ങൾക്ക് ആദരം
അലനല്ലൂർ : കൊവിഡ് 19 മഹാമാരിക്കാലത്ത് സേവന നിരതരായ അലനല്ലൂർ സോൺ എസ് വൈ എസ് സാന്ത്വനം എമർജൻസി ടീം അംഗങ്ങളെ അനുമോദിച്ചു. പൂർവീകരുടെ മാതൃക പിൻപറ്റി സമൂഹ മനസ്സാക്ഷി മരവിച്ച കോവിഡ് മരണങ്ങളുടെ ദുരന്ത മുഖത്ത് കർമ്മ നിരതരായ സാന്ത്വനം എമർജൻസി ടീം അംഗങ്ങൾ കൊവിഡ് ബാധിച്ച് മരണപ്പെട്ട നിരവധി മൃതദേഹങ്ങൾ കൊവിഡ് മാനദണ്ഡങ്ങൾ അനുസരിച്ച് സംസ്കരിക്കുകയും കേരളത്തിന്റെ വിവിധ ഭാഗങ്ങളിൽ നിന്ന് രോഗികൾക്ക് മരുന്ന് എത്തിച്ച് നൽകുകയും കൊവിഡ് നിയന്ത്രണ പ്രവർത്തനങ്ങളിൽ ഏർപ്പെട്ട പോലീസ് ഉൾപ്പെടെയുള്ളവർക്ക് ഭക്ഷണം വിതരണം ചെയ്യുകയും ഉൾപ്പെടെ ഒട്ടേറെ സേവനങ്ങൾക്കാണ് നേതൃത്വം നൽകിയത്.
കൊടക്കാട് സി എം സെന്ററിൽ വച്ച് നടന്ന അനുമോദന സംഗമം അഡ്വ. കെ പ്രേംകുമാർ എം എൽ എ ഉദ്ഘാടനം ചെയ്തു. എസ് വൈ എസ് അലനല്ലൂർ സോൺ പ്രസിഡന്റ് മുഹമ്മദലി സഖാഫി കച്ചേരിപ്പറമ്പ് അധ്യക്ഷത വഹിച്ചു. പാലക്കാട് ജില്ലാ ഫിനാൻസ് സെക്രട്ടറി അബൂബക്കർ അവണക്കുന്ന് മുഖ്യ പ്രഭാഷണം നടത്തി. സാന്ത്വനം എമർജൻസി ടീം അംഗങ്ങൾക്കുള്ള സമർപ്പണം കേരള മുസ്ലിം ജമാഅത്ത് ഉപാധ്യക്ഷൻ കെ ഉണ്ണീൻ കുട്ടി സഖാഫി പാലോട് നിർവഹിച്ചു.കേരള മുസ്ലിം ജമാഅത്ത് അലനല്ലൂർ സോൺ പ്രസിഡന്റ് മുഹമ്മദ് സഖാഫി കൊടക്കാട്, എസ് വൈ എസ് ജില്ലാ പ്രവർത്തക സമിതി അംഗം പി സി അശ്റഫ് സഖാഫി അരിയൂർ, ശഫീഖ് അലി അൽ ഹസനി കൊമ്പം, ഉമർ ഒ കോട്ടോപ്പാടം, അശ്റഫ് ലത്വീഫി തച്ചനാട്ടുകര, അബ്ദു മുസ്ലിയാർ കൊമ്പം, നൗഫൽ മൗലവി പ്രസംഗിച്ചു.
ചിത്രം : എസ് വൈ എസ് അലനല്ലൂർ സോൺ സാന്ത്വനം എമർജൻസി ടീം അംഗങ്ങൾക്കുള്ള അനുമോദന സംഗമം അഡ്വ.കെ പ്രേംകുമാർ എം എൽ എ ഉദ്ഘാടനം ചെയ്യുന്നു
