ഇയ്യങ്കോട് ശ്രീധരൻ മാസ്റ്ററെ ആദരിച്ചു.

കൊല്ലങ്കോട് : മലർവാടി കൊല്ലങ്കോട് ഏരിയ സംഘടിപ്പിച്ച ഗുരുനാഥന്മാർക്ക് ആദരം പരിപാടിയിൽ മുൻ കലാമണ്ഡലം സംസ്ഥാന സെക്രട്ടറിയും എഴുത്തുകാരനും കവിയുമായ ശ്രീ ഇയ്യങ്കോട് ശ്രീധരൻ മാസ്റ്റർ ആദരവ് ഏറ്റുവാങ്ങി. നാർക്കോട്ടിക് ജിഹാദ് എന്ന പ്രയോഗം മത മേലധ്യക്ഷൻ മാർ നടത്തരുതായിരുന്നുവെന്ന് കവി ഇയ്യങ്കോട് ശ്രീധരൻ മാസ്റ്റർ . മലർവാടി കൊല്ലങ്കോട് ഏരിയ സംഘടിപ്പിച്ച ഗുരുനാഥൻമാർക്ക് ആദരം എന്ന പരിപാടിയിൽ സംസാരിക്കുകയായിരുന്നു അദ്ദേഹം.
ദേശീയ പുരസ്കാരം നേടിയ ഹാറൂൺ മാസ്റ്റർ ,വിശ്വനഥൻ കുട്ടി, ചെല്ലടീച്ചർ, ജയിലാവുദ്ദീൻ മാസ്റ്റർ, മുരളി പയ്യലൂർ, വാസുദേവൻ, ചിദംബരൻ കുട്ടി, വിൻസെന്റ്, സുബ്രമണ്യൻ, അനന്തകൃഷ്ണൻ , ഭാസ്കരൻ , ശിവശങ്കരൻ , ഹനീഫാ വടവന്നൂർ, ഹനീഫ പോത്തം പാടം , അക്ബർ ബാഷാ മാസ്റ്റർ എന്നീ അധ്യാപകരെയാണ് ആദരിച്ചത്.
മലർവാടി രക്ഷാധികാരി ഫഖീർ മുഹമ്മദ് മാസ്റ്റർ ഗുരുനാഥൻമാർക്ക് ഷാൾ നൽകി ആദരിച്ചു.
എൻ.എം.സലിം, മുഹമ്മദ് ബഷീർ എന്നിവർ സംസാരിച്ചു