സ്വാതന്ത്ര്യ സമര ചരിത്രത്തിലെ ധീര രക്തസാക്ഷി വാരിയം കുന്നത്ത് കുഞ്ഞഹമ്മദ് ഹാജിയുടെ ഛായാചിത്രം സ്ഥാപിച്ചു.
മലബാർ സമര പോരാളികളെ സ്വാതന്ത്ര്യ സമര രക്തസാക്ഷികളുടെ നിഘണ്ടുവിൽ നിന്ന് നീക്കം ചെയ്ത നടപടിക്കെതിരെ പുതുപ്പള്ളിത്തെരുവ് സ്ട്രീറ്റ് ബോയ്സിൻ്റെ നേതൃത്വത്തിൽ ജംഗ്ഷനിൽ പ്രതിഷേധ സംഗമവും കൂറ്റൻ ഛായാചിത്രം സ്ഥാപിക്കലും നടന്നു..
പാലക്കാട് നഗരസഭ 32 വാർഡ് കൗൺസിലർ എം.സുലൈമാൻ ഉദ്ഘാടനം നിർവ്വഹിച്ചു .
‘ബ്രിട്ടീഷുകാരോട് മാപ്പ് പറയാൻ തയ്യാറാവാതെ അഭിമാനപൂർവ്വം രക്തസാക്ഷിത്വം ഏറ്റുവാങ്ങിയ സ്വാതന്ത്ര്യ സമര പോരാളിയാണ് വാരിയംകുന്നത്ത് കുഞ്ഞഹമ്മദ് ഹാജിയെന്നും പിറന്ന മണ്ണിൻ്റെ സ്വാതന്ത്ര്യത്തിന് വേണ്ടി ജീവത്യാഗം ചെയ്തവർക്ക് സംഘ് പരിവാറിൻ്റെ ഗുഡ് സർട്ടിഫിക്കറ്റ് ആവശ്യമില്ലെന്നും അദ്ദേഹം പറഞ്ഞു.
സ്ട്രീറ്റ് ബോയ്സ് ഭാരവാഹികളായ ഫൈസൽ, ഹാരിസ്, മുഹമ്മദ് റാഫി, അബൂത്വാഹിർ തുടങ്ങിയവർ അഭിവാദ്യമർപ്പിച്ചു ..
