സീറ്റ് അപര്യാപ്തത,ഓൺലൈൻ വിദ്യാഭ്യാസ വിവേചനം: ഫ്രറ്റേണിറ്റി മൂവ്മെൻ്റ് മനുഷ്യാവകാശ കമീഷന്
പരാതി നൽകി
പാലക്കാട്:സീറ്റ് അപര്യാപ്തത,ഓൺലൈൻ വിദ്യാഭ്യാസ വിവേചനം തുടങ്ങിയ വിഷയങ്ങളിൽ ഇടപെടണമെന്നാവശ്യപ്പെട്ട് ഫ്രറ്റേണിറ്റി ജില്ല കമ്മിറ്റി ഗവ.ഗസ്റ്റ് ഹൗസിൽ നടന്ന അദാലത്തിൽ മനുഷ്യാവകാശ കമീഷന് പരാതി നൽകി.ജില്ലയിൽ പ്ലസ് വൺ,ഡിഗ്രി പ്രവേശനത്തിൽ പതിനായിരങ്ങൾക്ക് സീറ്റില്ലെന്നും പിന്നോക്ക പ്രദേശങ്ങൾ ഇപ്പോഴും ഓൺലൈൻ വിദ്യാഭ്യാസ ഭൂപടത്തിന് പുറത്താണെന്നും തമിഴ് ഭാഷ ന്യൂനപക്ഷ വിദ്യാർത്ഥികൾക്ക് ഇതുവരെയും ഒരു ഓൺലൈൻ ക്ലാസ് പോലും രണ്ട് വർഷമായി നൽകിയിട്ടില്ലെന്നും പരാതിയിൽ ഫ്രറ്റേണിറ്റി ചൂണ്ടിക്കാട്ടി.സാർവത്രിക സൗജന്യ നിർബന്ധിത വിദ്യാഭ്യാസമെന്ന അവകാശമാണ് അവസരങ്ങളുടെയും സൗകര്യങ്ങളുടെയും അപര്യാപ്തത മൂലം വിദ്യാർത്ഥികൾക്ക് നിഷേധിക്കപ്പെടുന്നതെന്നും പ്രശ്നപരിഹാരത്തിനായി സർക്കാറിനെക്കൊണ്ട് നടപടികൾ കൈക്കൊള്ളിക്കാൻ കമീഷൻ ഇടപെടണമെന്നും പരാതിയിൽ ആവശ്യപ്പെട്ടു.ഫ്രറ്റേണിറ്റി ജില്ല പ്രസിഡൻ്റ് റഷാദ് പുതുനഗരം,ജനറൽ സെക്രട്ടറി കെ.എം സാബിർ അഹ്സൻ, ഷബ്നം.പി.നസീർ,ഹിമ എന്നിവരാണ് അദാലത്തിലെത്തി കമീഷന് പരാതി നൽകിയത്.
