വായന മാസാചരണം: ഉപന്യാസ മത്സര വിജയികളെ പ്രഖ്യാപിച്ചു
ജില്ലാ ഇന്‍ഫര്‍മേഷന്‍ ഓഫീസിന്റെ ആഭിമുഖ്യത്തില്‍ പി.എന്‍.പണിക്കര്‍ സ്മരണാര്‍ത്ഥം വായന മാസാചരണത്തോടനുബന്ധിച്ച് ജില്ലയിലെ ഹയര്‍ സെക്കന്‍ഡറി വിദ്യാര്‍ഥികള്‍ക്കായി സംഘടിപ്പിച്ച ഓണ്‍ലൈന്‍ ഉപന്യാസ മത്സര വിജയികളെ പ്രഖ്യാപിച്ചു. ‘ഡിജിറ്റല്‍ കാലഘട്ടത്തിലെ വായന’ എന്ന വിഷയത്തില്‍ സംഘടിപ്പിച്ച മത്സരത്തില്‍ കേരളശ്ശേരി എച്ച്.എസ്.എസ് പ്ലസ്ടു വിദ്യാര്‍ഥിനി എ.യു. ആയിഷാബി ഒന്നാം സ്ഥാനവും ആനക്കര ജി.എച്ച്.എസ്.എസിലെ പ്ലസ്ടു വിദ്യാര്‍ഥിനി പി. അഞ്ജന രണ്ടാം സ്ഥാനവും നേടി. വിജയികള്‍ക്ക് യഥാക്രമം 1750, 1250 രൂപ വീതം സമ്മാനമായി ബാങ്ക് അക്കൗണ്ട് വഴി നല്‍കും. എന്‍ട്രികള്‍ പാലക്കാട് പ്രസ് ക്ലബ് സെക്രട്ടറിയും മലയാള മനോരമ ചീഫ് സബ് എഡിറ്ററുമായ മധുസൂദനന്‍ കര്‍ത്തയാണ് മൂല്യനിര്‍ണയം നടത്തിയത്.
ജില്ലാ ഇന്‍ഫര്‍മേഷന്‍ ഓഫീസ്, പാലക്കാട്
