പാലക്കാട് മെഡിക്കൽ കോളേജിൽ പൊതിച്ചോറ് വിതരണം ആരംഭിച്ചു.
നിർധനരായ രോഗികൾക്ക് കൈത്താങ്ങാകുവാൻ ഡിവൈഎഫ്ഐ ആരംഭിച്ച “വയറെരിയുന്നോരുടെ മിഴി നിറയാതിരിക്കാൻ” ഹൃദയപൂർവ്വം പദ്ധതി ആരംഭിച്ചു. പദ്ധതിയുടെ ഭാഗമായി
പാലക്കാട് മെഡിക്കൽ കോളേജിൽ പൊതിച്ചോറ് വിതരണം നടത്തി.
കോവിഡ് മാനദണ്ഡങ്ങൾ പാലിച്ച് ഒപി ബ്ലോക്കിന് മുന്നിൽ നടന്ന ചടങ് സിപിഐഎം ജില്ല സെക്രട്ടറി സി.കെ.രാജേന്ദ്രൻ ഉദ്ഘാടനം ചെയ്തു. ഡിവൈഎഫ്ഐ ജില്ല പ്രസിഡന്റ് പി.പി.സുമോദ് എംഎൽഎ അദ്ധ്യക്ഷനായി. ഡോക്ടർ മോഹൻദാസ്, ഡിവൈഎഫ്ഐ സംസ്ഥാന കമ്മിറ്റി അംഗങ്ങളായ അഡ്വ.ജിഞ്ചു ജോസ്, കെ.രാധിക, ജില്ല സെക്രട്ടറിയേറ്റ് അംഗം ജി.ആശിഷ്, ജില്ല കമ്മിറ്റി അംഗങ്ങളായ പി.ഹരിദാസൻ, പി.രാജേഷ്, അബ്ദുൽ മുത്തലി, ശലീഷ ശങ്കർ ജില്ല സെക്രട്ടറി ടി.എം.ശശി , ജില്ല ട്രഷറർ എം.രാജേഷ് എന്നിവർ സംസാരിച്ചു.
