.മുണ്ടൂർ ഐടിഐക്കു സമീപം വനിത ഡോക്ടറെയും ഭർത്താവിനെയും ആക്രമിച്ച് കാർ തട്ടിയെടുത്ത കേസിൽ ഒരാൾ കൂടി പിടിയിൽ. ഇതോടെ 8 പേർ പിടിയിൽ ആയി. തൃശൂർ വരന്തരപ്പള്ളി വെട്ടിയാട്ടിൽ കൃഷ്ണ പ്രസാദ് (37) ആണ് അറസ്റ്റിലായത്. കേസിലെ മുഖ്യ സൂത്രധാരൻ ഇയാൾ ആണെന്നു പൊലീസ് സംശയിക്കുന്നു. 2020 ജനുവരി ഏഴിനു രാവിലെ 7.15 നാണ് കേസിനാസ്പദമായ സംഭവം. കോയമ്പത്തൂർ ശിങ്കനല്ലൂർ വിപഞ്ചികയിൽ ഹരി, ഭാര്യ ഡോ. പത്മജ എന്നിവർ യാത്ര ചെയ്ത കാർ മറ്റൊരു വാഹനത്തിൽ പിൻതുടർന്നു എത്തിയ സംഘം തട്ടിയെടുക്കുകയായിരുന്നു
