പാലക്കാട്ടെ എം ഇ എസ് സ്ഥാപനങ്ങളിൽ സ്വാതന്ത്ര്യ ദിനാഘോഷം സംഘടിപ്പിച്ചു
എം ഇ എസ്സിന്റെ ആഭിമുഖ്യത്തിൽ പാലക്കാട്ടെ എം ഇ എസ് സ്ഥാപനങ്ങളിൽ സ്വാതന്ത്ര്യ ദിനാഘോഷം നടത്തി. ഒലവക്കോട് എം ഇ എസ് ഇംഗ്ലീഷ് മീഡിയം ഹയർ സെക്കന്ററി സ്കൂളിൽ ജില്ലാ വൈസ് പ്രസിഡന്റ് എസ് എ മുഹമ്മദ് യൂസഫ് ദേശിയ പതാക ഉയർത്തി. സ്കൂൾ മാനേജ്മെന്റ് സെക്രട്ടറി ടി എം നസിർ ഹുസൈൻ, പ്രിൻസിപ്പൽ കെ ലീല, ലതിക സുരേഷ്, ശിവരാജേഷ്, ഷൈനി എന്നിവർ പ്രസംഗിച്ചു.
പാലക്കാട് എം ഇ എസ് വനിതാ കോളേജിൽ മാനേജ്മെന്റ് സെക്രട്ടറി എസ് നസീർ പതാക ഉയർത്തി. പ്രിൻസിപ്പൽ പി അനിൽ സ്വാതന്ത്ര്യ ദിന സന്ദേശം നൽകി. കോവിഡ് മാനദണ്ഡങ്ങൾ പാലിച്ചുകൊണ്ട് വിദ്യാർത്ഥിനി പ്രതിനിധികളും അധ്യാപക പ്രതിനിധികളും പങ്കെടുത്തു.
മുണ്ടൂർ എം ഇ എസ് ഹൈസ്കൂളിൽ മാനേജ്മെന്റ് സെക്രട്ടറി ഡോ. എസ് ഇസ്ഹാക് ദേശിയ പതാക ഉയർത്തി. ഹെഡ്മിസ്ട്രെസ് രേണുഷ ഫൈസൽ, പി ടി എ പ്രസിഡന്റ് ശംസുദ്ധീൻ, റോഷിണി, സുൽഫിക്കർ എന്നിവർ പ്രസംഗിച്ചു.
ഓലവാക്കോട്ട് ചേർന്ന സ്വാതന്ത്ര്യ ദിന സംഗമത്തിൽ എം ഇ എസ് മുൻ സംസ്ഥാന സീനിയർ വൈസ് പ്രസിഡന്റ് എം. അബ്ദുൽ കരീം ഹാജി അധ്യക്ഷത വഹിച്ചു. എം ഇ എസ് സംസ്ഥാന സിലബസ് സ്കൂൾസ് ചെയർമാൻ എസ് എം എസ് മുജീബ് റഹ്മാൻ, ജില്ലാ പ്രസിഡന്റ് എ ജബ്ബാറലി, ജോയിന്റ് സെക്രട്ടറി എ സൈത് താജുദ്ധീൻ, പി എം മുജീബ് റഹ്മാൻ എന്നിവർ പ്രസംഗിച്ചു.
