മണ്ണാർക്കാട്: “ജീവിക്കാൻ അനുവദിക്കുക ” എന്ന മുദ്രാവാക്യവുമായി കേരള ഹോട്ടൽ ആൻഡ് റസ്റ്റോറന്റ് അസോസിയേഷൻ സംസ്ഥാന കമ്മറ്റി ആഹ്വാനം ചെയ്ത താലൂക്ക് ഓഫീസ് ധർണ്ണ കെ.എച്ച് ആർ എ മണ്ണാർക്കാട് യൂണിറ്റിന്റെ ആഭിമുഖ്യത്തിൽ മണ്ണാർക്കാട് മിനി സിവിൽ സ്റ്റേഷന് മുന്നിൽ ജില്ലാ പ്രസിഡന്റ് c സന്തോഷ് ഉൽഘാടനം ചെയ്തു.
റസ്റ്റോറന്റുകളിൽ ഇരുന്ന് ഭക്ഷണം കഴിക്കാൻ സർക്കാർ അനുമതി ഇല്ലാത്തതിന്റെ പേരിൽ 75 ശതമാനം ചെറുകിട ഹോട്ടലുകളും അടഞ്ഞ് കിടക്കുന്ന സാഹചര്യത്തിലാണ് സംസ്ഥാന കമ്മിറ്റി ധർണ്ണാ സമരം പ്രഖ്യാപിച്ചത്.
ഹോട്ടലുടമകളും , തൊഴിലാളികളും പട്ടിണിയിലാണ്. കടം കയറി പലരും ആത്മഹത്യയുടെ വക്കിലാണ്. കോവിഡ് നിയന്ത്രണങ്ങളിൽ എല്ലാ വിഭാഗകൾക്കും ഇളവുകൾ നൽകിയെങ്കിലും റസ്റ്റോറന്റുകളിൽ ഇരുന്ന് ഭക്ഷണം കഴിക്കാൻ അനുവദിക്കാത്തത് ഈ മേഖലയിൽ വൻ പ്രതിസന്ധിയാണ് സൃഷ്ടിച്ചിരിക്കുന്നത്. ആയതിന് പരിഹാരം കാണണമെന്നും, ഹോട്ടൽ വ്യവസായത്തിന് സർക്കാർ അടിയന്തിര സഹായ നടപടികൾ ഉണ്ടാകണമെന്നും ആവശ്യപ്പട്ടു കൊണ്ടാണ് സമരoസംഘടിപ്പിച്ചത്.
യൂണിറ്റ് പ്രസിഡന്റ് എൻ ആർ ചിൻമയാനന്ദൻ അധ്യക്ഷത വഹിച്ച യോഗത്തിൽ ആൾ കേരള കാറ്ററിംഗ് അസോസിയേഷൻ ജില്ലാ ജനറൽ സെക്രട്ടറി ഫിറോസ് ബാബു .കെ എച്ച് ആർ എ യൂണിറ്റ് നേതാക്കളായ അബ്ബാസ്, ജയൻ ജ്യോതി , കൊച്ചു , റസാക്ക്, മോഹനൻ ഉഡുപ്പി, കതിർവേൽ, നൗഷാദ്, രഘു , ശിവദാസൻ , ശ്രീധരൻ തുടങ്ങിയവർ പ്രസംഗിച്ചു.