ഭാരതസ്വാതന്ത്ര്യത്തിൻ്റെ എഴുപത്തി അഞ്ചാം വാർഷികാഘോഷങ്ങളുടെ ഭാഗമായി കേരളാ പ്രദേശ് ഗാന്ധിദർശൻ വേദി മണ്ഡലം കമ്മിറ്റി കളുടെ നേതൃത്വത്തിൽ ദേശീയ പതാക ഉയർത്തുകയും അനുസ്മരണ യോഗം സംഘടിപ്പിക്കുകയും ചെയ്യും. ജില്ലാ കമ്മിറ്റിയുടെ ആഭിമുഖ്യത്തിൽ അന്നേ ദിവസം വൈകുന്നേരം 7 മണിക്ക് ” ഇന്ത്യൻ സ്വാതന്ത്ര്യ സമരവും ദേശീയ നേതാക്കളും ” എന്ന വിഷയം അടിസ്ഥാനമാക്കി ഓൺലൈൻ സെമിനാർ സംഘടിപ്പിക്കും. സെമിനാർ പാലക്കാട് പാർലിമെൻ്റ് അംഗം വി.കെ.ശ്രീകണ്ഠൻ എം.പി.ഉദ്ഘാടനം ചെയ്യും. കേരളാ പ്രദേശ് ഗാന്ധിദർശൻ വേദി ജില്ലാ ചെയർമാൻ പി.പി.വിജയകുമാർ അധ്യക്ഷത വഹിക്കും. കെ.പി.സി.സി. നിർവ്വാഹക സമിതി അംഗം എ. കുമാരസ്വാമി മുഖ്യ അതിഥിയായിരിക്കും. പ്രൊഫ: കെ.ശശികുമാർ വിഷയം അവതരിപ്പിച്ചു് ക്ലാസ്സെടുക്കും. കെ.പി.ജി.ഡി.സംസ്ഥാന സെക്രട്ടറി പി.മോഹനകുമാരൻ, ജില്ലാ ജനറൽ സെക്രട്ടറി എ.ശിവരാമകൃഷ്ണൻ, ജില്ലാ ട്രഷറർ ടി.എൻ.ചന്ദ്രൻ തുടങ്ങി സംഘടനയുടെ സംസ്ഥാന ജില്ലാ നേതാക്കൾ പങ്കെടുക്കും.
