ഫ്രറ്റേണിറ്റി മാർച്ചിന് നേരെ പോലീസ് നരനായാട്ട്: വിദ്യാഭ്യാസ മന്ത്രിയുടെ കോലം കത്തിച്ച് പ്രതിഷേധം

പാലക്കാട് : മലബാറിലെ സീറ്റ് അപര്യാപ്തത പരിഹരിക്കണമെന്നാവശ്യപ്പെട്ട് ഫ്രറ്റേണിറ്റി മലപ്പുറം കലക്ടറേറ്റിലേക്ക് നടത്തിയ മാർച്ചിന് നേരെ പോലീസ് നടത്തിയ നരനായാട്ടിനെതിരെ പാലക്കാട്ട് പ്രവർത്തകർ പന്തം കൊളത്തിയും മന്ത്രിയുടെ കോലം കത്തിച്ചും പ്രതിഷേധിച്ചു. ഹെഡ് പോസ്റ്റോഫീസിൽ നിന്നാരംഭിച്ച പ്രകടനം സ്റ്റേഡിയത്ത് സമാപിച്ചു. മലബാർ വിദ്യാഭ്യാസ അവകാശ സമരത്തെ ചോരയിൽ മുക്കാനനുവദിക്കില്ലെന്ന് പരിപാടി ഉദ്ഘാടനം ചെയ്ത് ജില്ല പ്രസിഡന്റ് റഷാദ് പുതുനഗരം പറഞ്ഞു. ജനറൽ സെക്രട്ടറി കെ.എം സാബിർ അഹ്സൻ സംസാരിച്ചു. വല്ലപ്പുഴയിൽ പ്രവർത്തകർ പ്രതിഷേധ പ്രകടനം നടത്തി. Photo: ഫ്രറ്റേണിറ്റിയുടെ മലപ്പുറം കലക്ടറേറ്റ് മാർച്ചിന് നേരെ പോലീസ് നടത്തിയ നരനായാട്ടിൽ പ്രതിഷേധിച്ച് പാലക്കാട് പ്രവർത്തകർ വിദ്യാഭ്യാസ മന്ത്രിയുടെ കോലം കത്തിക്കുന്നു.