ക്ഷേമനിധി ഓഫീസിനു മുൻപിൽ പ്രതിഷേധ ധർണ നടത്തി മസ്റ്ററിങ് ആരംഭിക്കുക, പെൻഷൻ
കുടിശ്ശിക അനുവദിക്കുക, പെൻഷൻ വിതരണം വേഗത്തിലാക്കുക, കോവിഡ് ബാധിതർക്കു
പതിനായിരം രൂപ ധനസഹായം അനുവദിക്കുക , ആനുകൂല്യ വിതരണം വേഗത്തിലാക്കുക
തുടങ്ങിയ ആവശ്യങ്ങൾ ഉന്നയിച്ചു കൊണ്ട് കേരള നിർമാണ തൊഴിലാളി കോൺഗ്രസ്(ഐ
എൻ ടി യു സി ) ജില്ലാ കമ്മിറ്റിയ്യുടെ നേതൃത്വത്തിൽ കേരള നിർമാണ
തൊഴിലാളി ക്ഷേമനിധി ജില്ലാ ഓഫീസിനു മുൻപിൽ പ്രതിഷേധ ധർണ നടത്തി. ജില്ലാ
പ്രസിഡന്റ് പി മുരളീധരൻ അധ്യക്ഷം വഹിച്ച ധർണ ഐ എൻ ടി യു സി ജില്ലാ
പ്രസിഡന്റ് മനോജ് ചീങ്ങനൂർ ഉദ്ഘാടനം ചെയ്തു. വൻ കിട കെട്ടിട
നിർമാതാക്കളിൽ നിന്നും ലഭിക്കാനുള്ള സെസ് കുടിശ്ശിക പിരിക്കുന്നത്
ഊർജ്ജിതപ്പെടുത്തി തൊഴിലാളികളുടെ ആനുകൂല്യ വിതരണം വേഗത്തിലാക്കണമെന്ന്
അദ്ദേഹം ആവശ്യപ്പെട്ടു . ജില്ലാ ജനറൽ സെക്രട്ടറി സുധാകരൻ പ്ലാക്കാട്ട്
മുഖ്യ പ്രഭാഷണം നടത്തി . ജില്ലാ-സംസ്ഥാന നേതാക്കളായ എം കബീർ ,എൻ ദേവയാനി,
ഹംസ ഓങ്ങല്ലൂർ , വി ശശി , എ ഭാസ്കരൻ ,സുഭദ്ര രാജശേഖരൻ, എം .പ്രേമലത ,
ചന്ദ്രൻ കുറ്റിക്കാട്ടിൽ , സുന്ദരൻ വർമ്മംകോട്, കെ എ ബാലകൃഷ്ണൻ,എ എ
കബീർ,എ ആണ്ടവൻ, പി ബാലകൃഷ്ണൻ എന്നിവർ പങ്കെടുത്ത് സംസാരിച്ചു.