യുവതിയുടെ ആത്മഹത്യ ഗാർഹിക പീഡനം മൂലമെന്ന് പരാതി.

മണ്ണാർക്കാട്,ചങ്ങലീരി തെക്കുംപാടത്ത് അബ്ബാസ് – ഉബൈസ ദമ്പതികളുടെ മകൾ റൂസ്നിയ ജെബിനെ 01/08/21 ഞായറാഴ്ച വൈകീട്ട് തൂങ്ങി മരിച്ച നിലയിൽ കാണപെട്ടിരുന്നു.
ഈ ആത്മഹത്യ ഭർതൃ ഗൃഹ ത്തിലെ പീഡനം മൂലമാണ് എന്ന് നാട്ടുകാർ ആരോപിച്ചു. ആത്മഹത്യ ചെയ്യുന്ന സമയത്ത് യുവതി 3 മാസം ഗർഭിണി ആയിരുന്നു.
യുവതിയെ സ്ത്രീധനത്തിന്റെ പേരിൽ ഭർത്താവും,ഭർതൃ പിതാവും,മാതാവും,കുടുംബംഗങ്ങളും ചേർന്ന് നിരന്തരമായി ശരീരികമായും മാനസികമായും പീഡിപ്പിച്ചിരുന്നു എന്നും ഇതിന്റെ അടിസ്ഥാനത്തിൽ നിരവധി തവണ അബോർഷൻ നടന്നു എന്നും രക്ഷിതാക്കൾ പറഞ്ഞു. 5/11/2017 ൽ ആണ് തെങ്കര വെള്ളാരംകുന്ന് അറാടാൻ വീട്ടിൽ ഹംസ മകൻ മുസ്തഫയുമായി റൂസ്നിയയുടെ വിവാഹം നടക്കുന്നത്. ഇവർക്ക് 3 വയസുള്ള മറ്റൊരു കുട്ടി കൂടിയുണ്ട്.