കേരള കോൺഗ്രസ്‌ എം അംഗത്വ വിതരണം നടത്തി.

തൃത്താല നിയോജക മണ്ഡലത്തിലെ പരുതൂർ പട്ടിത്തറ ആനക്കര, തൃത്താല എന്നീ പഞ്ചായത്തുകളിൽ നിന്നും പ്രവർത്തകർ കേരള കോൺഗ്രസ് (എം) ചേർന്നു ദളിത് ഫോറം സംസ്ഥാന പ്രസിഡന്റ് ചോലയിൽ വേലായുധൻ അവർകളുടെ നേതൃത്വത്തിൽ ഇരുപതോളം നേതാക്കൾക്ക് കേരള കോൺഗ്രസ് (എം) പാലക്കാട് ജില്ലാ പ്രസിഡന്റ് അഡ്വക്കേറ്റ് കെ. കുശല കുമാർ മെമ്പർഷിപ്പ് കൊടുത്തു പാർട്ടിയിലേക്ക് സ്വാഗതം ചെയ്തു. തൃത്താലയിൽ വെള്ളിയാങ്കല്ല് കെ. ആർ. ബിൽഡിങ്ങിൽ നടന്ന യോഗത്തിൽ വച്ചാണ് മെമ്പർഷിപ്പ് വിതരണം ചെയ്തത് കേരള കോൺഗ്രസ് (എം) തൃത്താല നിയോജക മണ്ഡലം പ്രസിഡന്റ്‌ കെ.എ. കമറുദ്ദീൻ അധ്യക്ഷത വഹിച്ചു.  പുതിയതായി പാർട്ടിയിലേക്ക്  വന്നവർക്ക്  വേണ്ടി വിപുലമായ  കൺവെൻഷൻ നടത്തുവാൻ യോഗം തീരുമാനിച്ചു. യോഗത്തിൽ കർഷക യൂണിയൻ (എം) ജില്ലാ പ്രസിഡന്റ് തോമസ് ജോൺ, കേരള യൂത്ത് ഫ്രണ്ട് (എം) ജില്ലാ പ്രസിഡന്റ്. സന്തോഷ് അറക്കൽ, K.T. U.C.M. ജില്ലാ പ്രസിഡന്റ്‌ എ. ഇബ്രാഹിം, എന്നിവർ അഭിവാദ്യം അർപ്പിച്ച് സംസാരിച്ചു. പാർട്ടിയിൽ അംഗത്വം സ്വീകരിച്ച് ചോലയിൽ വേലായുധൻ, C.K. വിജയൻ, V. P. സുരേഷ്, P. K. ശശീന്ദ്രൻ, P.പ്രസാദ്, E. V. സക്കീർ ഹുസൈൻ എന്നിവർ നന്ദി പ്രകാശിപ്പിച്ചു പ്രസംഗിച്ചു. കേരള കോൺഗ്രസ്‌ എം  നിയോജക മണ്ഡലം വൈസ് പ്രസിഡന്റ്‌ മൊയ്‌ദീൻ കുട്ടി യോഗത്തിന് നന്ദി പറഞ്ഞു.