സർക്കാർ അംഗീകൃത ഖാദി സ്ഥാപനങ്ങളിലെ ജീവനക്കാർക്കും സർക്കാർ പെൻഷൻ നല്കണം
സർക്കാർ അംഗീകൃത ഖാദി സ്ഥാപനങ്ങളിലെ വിരമിച്ച ജീവനക്കാർക്കും സർക്കാർ പെൻഷൻ അനുവദിക്കണമെന്ന് സർവ്വോദയ സംഘം സ്റ്റാഫ് ആൻറ് ആർട്ടിസാൻസ് അസോസിയേഷൻ സംസ്ഥാന കമ്മിററി സംസ്ഥാന സർക്കാറിനോട് ആവശ്യപ്പെട്ടു. വരുന്ന ഓണത്തിന് വിരമിച്ച എല്ലാ ജീവനക്കാർക്കും സർക്കാർ ഉത്സവ ബത്ത അനുവദിക്കുക, ആരോഗ്യ ഇൻഷൂറൻസ് സ്ക്കിം എല്ലാവർക്കും നടപ്പിലാക്കി സൗജന്യ വൈദ്യസഹായം അനുവദിക്കുക തുടങ്ങിയ ആവശ്യങ്ങളും ഓൺലൈനായി ചേർന്ന യോഗം ഉന്നയിച്ചു.
സർവ്വോദയ സംഘം സ്റ്റാഫ് ആൻറ് ആർട്ടിസാൻസ് അസോസിയേഷൻ സംസ്ഥാന പ്രസിഡണ്ട് പി.പി.വിജയകുമാർ അധ്യക്ഷത വഹിച്ചു. പി.കെ.ഭരതൻ, ഇ.സുരേഷ് കുമാർ, അനന്തരാമൻ, ബാലൻ കാരിയിൽ, കെ.ഒ.രഘുനാഥൻ, ടി.കെ.രാമചന്ദ്രൻ, ഇ.സുരേഷ് കുമാർ, ആർ.അയ്യപ്പൻനായർ, ടി.എ.തുളസിദാസ്, പി.കെ.പാർവ്വതി, വി.പത്മാവതി എന്നിവർ സംസാരിച്ചു.
എന്ന്
പി.പി.വിജയകുമാർ
പ്രസിഡണ്ട്
സർവ്വോദയ സംഘം സ്റ്റാഫ് & ആർട്ടിസാൻസ് അസോസിയേഷൻ,
സംസ്ഥാനക്കമ്മിറ്റി.
ഫോ.9447534515
