പുതുപ്പരിയാരം: കോവിഡ് വാക്സിൻ ലഭിക്കാത്ത 45 വയസ്സിന് മുകളിലുള്ള നിരവധി പേർ ഒരോ വീടുകളിലും ഉണ്ടെന്നും, അവർക്ക് വീടുകളിലെത്തി കോവിഡ് വാക്സിൻ നല്കാനുള്ള നടപടികൾ സ്വീകരിക്കണമെന്നും കേരളാ പ്രദേശ് ഗാന്ധിദർശൻ വേദി മലമ്പുഴ നിയോജക മണ്ഡലം കമ്മിറ്റി ആവശ്യപ്പെട്ടു. ഗാന്ധിയൻ ആശയങ്ങൾ എന്നും പുതുമ നല്കുന്നതാണെന്നും അവ ഗ്രാമങ്ങളിൽ നടപ്പാക്കി ഗ്രാമങ്ങളെ സ്വയംപര്യാപ്ത കൈവരിക്കാൻ പര്യാപ്തമാക്കണമെന്നും യോഗം ഉദ്ഘാടനം ചെയ്തുകൊണ്ടു് കേരളാ പ്രദേശ് ഗാന്ധി ദർശൻ വേദി ജില്ലാ ചെയർമാൻ പി.പി.വിജയകുമാർ പഞ്ഞു. നിയോജക മണ്ഡലം ചെയർമാൻ എം.ജി.സുരേഷ് കുമാർ അദ്ധ്യക്ഷത വഹിച്ചു. മണ്ഡലം കോൺഗ്രസ്സ് പ്രസിഡണ്ട് എം.എൻ. സ്വാമിനാഥൻ, ബ്ലോക്ക് വൈസ് പ്രസിഡണ്ട് സി.എസ്.സജിത, സി.സി.സതീഷ്, വാർഡ് മെമ്പർ രജിത രമേഷ്, മമ്മുട്ടി, സുരഭി ഉണ്ണികൃഷ്ണൻ, കെ.വിനീഷ്, സുനിത.വി, കെ.എസ്.രമേഷ്, സി.കെ.കുഞ്ചു, കെ.കെ.പ്രണവ് എന്നിവർ സംസാരിച്ചു.
നിയോജക മണ്ഡലം വൈസ് ചെയർമാൻമാരായി സി.കെ.കുഞ്ചു, സി.എസ്.സജിത എന്നിവരേയും, ഗാന്ധിദർശൻ ഹരിതവേദി മലമ്പുഴ നിയോജക മണ്ഡലം ചെയർമാനായി എ.വി.രാധാകൃഷ്ണനേയും, വനിതാ ഗാന്ധിദർശൻ വേദി മലമ്പുഴ നിയോജക മണ്ഡലം കൺവീനർമാരായി സജിതരമേഷ്, വി.സുനിത എന്നിവരേയും യോഗം തിരഞ്ഞെടുത്തു.