ഇറിഗേഷൻ കനാൽ ഭിത്തി ഇടിഞ്ഞുണ്ടായ ഗർത്തം: വാർഡ് കൗൺസിലറുടെ സന്ദർഭോചിത ഇടപെടൽ വലിയ അപകടം ഒഴിവായി.
പാലക്കാട് നഗരസഭ 32-ാം വാർഡ് തങ്കം ആശുപത്രി റോഡിലെ ഭാരത് നഗർ ഇറിഗേഷൻ കനാൽ ഭിത്തി തകർന്നതിനെ തുടർന്ന് റോഡിനടിയിൽ ഗർത്തം രൂപപ്പെടുകയും റോഡ് ഇടിഞ്ഞുതാഴുകയും ചെയ്തു. അഞ്ചടിയോളം താഴ്ചയിൽ രൂപപ്പെട്ട ഗർത്തം റോഡിൽ യാത്ര ചെയ്യുന്നവർക്ക് ദൃശ്യമായിരുന്നില്ല.
പ്രദേശവാസി വിവരം അറിയിച്ചയുടൻ അവിടെയെത്തിയ കൗൺസിലർ എം.സുലൈമാൻ്റെ നേതൃത്വത്തിലാണ് ഇറിഗേഷൻ അധികൃതരെ വിവരമറിയിക്കുകയും ഗർത്തം മൂടി റോഡ് പൂർവ്വസ്ഥിതിയിലാക്കാനുള്ള പ്രവൃത്തി ആരംഭിക്കുകയും ചെയ്തത്.
തുടർന്ന് കൗൺസിലറുടെയും ഇറിഗേഷൻ ഡിപ്പാർട്ട്മെൻ്റിൻ്റെയും നാട്ടുകാരുടെയും ടീം വെൽഫെയർ വളണ്ടിയർമാരുടെയും നേതൃത്വത്തിൽ നാല് മണിക്കൂർ നീണ്ട പരിശ്രമത്തിലൂടെയാണ് ഗതാഗതയോഗ്യമാക്കിയത്.
കാലങ്ങളായി
കനാൽ ഭിത്തികൾ
തകർന്നതിനാൽ വർഷക്കാലത്ത് പരിസരത്തു താമസിക്കുന്നവർ ഇത്തരം നിരവധി പ്രയാസങ്ങൾ നേരിടുന്നുണ്ടെന്നും അടിയന്തിരമായി ഭിത്തി നിർമ്മാണം ആരംഭിക്കണമെന്നും കൗൺസിലർ ആവശ്യപ്പെട്ടു.