പല്ലശ്ശന യൂത്ത് കോൺഗ്രസ്സ് മണ്ഡലം കമ്മറ്റിയുടെ നേതൃത്വത്തിൽ പ്രതീകാത്മക പ്രതിക്ഷേധ സമരം നടത്തി.
സാധാരണക്കാരന്റെ ജീവിത സാഹചര്യങ്ങളെ തകിടം മറിച്ചു കൊണ്ട് പെട്രോളിന്റെ വില നൂറുരൂപയിലെത്തിച്ച കേന്ദ്രം ഭരിക്കുന്ന B.J.P യുടെ നേതൃത്വത്തിൽ ഉള്ള സർക്കാരിന്റെ നടപടിക്കെതിരായി കേക്ക് മുറിച്ച് മധുരം വിതരണം ചെയ്തു കോൺഗ്രസ്സുകാർ പ്രതിഷേധിച്ചു. പ്രസ്തുത സമരം മുൻ കെ.പി.സി.സി. മെമ്പർ വി.ശ്രീധരൻ ഉത്ഘാടനം ചെയ്തു. യൂത്ത് കോൺഗ്രസ്സ് മണ്ഡലം പ്രസിഡന്റ് മനു പല്ലാവൂർ അധ്യക്ഷത വഹിച്ചു. യൂത്ത് കോൺഗ്രസ്സ് ജില്ലാ വൈസ് പ്രസിഡന്റ് രോഹിത് കൃഷ്ണൻ , വി ഗോപാലകൃഷ്ണൻ, കെ.കെ.ഹരിദാസ് , ആർ. ജയനാരായണൻ , വിഷ്ണു കുണ്ടുപറമ്പ്, എന്നിവർ പങ്കെടുത്ത് സംസാരിച്ചു.
