സംസ്ഥാന ഫിഷറീസ് വകുപ്പ് തദ്ദേശ സ്വയംഭരണ സ്ഥാപനങ്ങളുടെ പങ്കാളിത്തത്തോടെ നടപ്പാക്കുന്ന ജനകീയ മത്സ്യകൃഷി – സുഭിക്ഷ കേരളം പദ്ധതികളിലേക്ക് അപേക്ഷിക്കാം. കുളങ്ങളിലെ ശാസ്ത്രീയ കാര്പ്പ് മത്സ്യകൃഷി, നൈല് തിലാപ്പിയ മത്സ്യകൃഷി, ആസാം വാള കൃഷി, ബയോഫ്ളോക്ക് മത്സ്യകൃഷി (20m3, 20m3, 160m3), റീസര്ക്കുലേറ്ററി അക്വാകള്ച്ചര് സിസ്റ്റം/ അക്വാപോണിക്സ് (50m3, 100m3) കൂടു മത്സ്യകൃഷി, പടുതാ കുളങ്ങളിലെ അതിസാന്ദ്രതാ മത്സ്യകൃഷി എന്നീ വിഭാഗങ്ങളില് 40 ശതമാനം സബ്സിഡിയോടു കൂടി പുതിയ യൂണിറ്റുകള് സ്ഥാപിക്കാന് താത്പ്പര്യമുള്ള കര്ഷകര്ക്ക് അപേക്ഷിക്കാം. മത്സ്യക്കുഞ്ഞുങ്ങളെ മാത്രം ലഭ്യമാകുന്ന കുളങ്ങളിലെ വിശാല കാര്പ്പ് മത്സ്യകൃഷി പദ്ധതിക്കും ്അപേക്ഷിക്കാം. പൂരിപ്പിച്ച അപേക്ഷകളും അനുബന്ധരേഖകളും അതത് അക്വാകള്ച്ചര് പ്രമോട്ടര് വശമോ ജില്ലാ ഫിഷറീസ് ഓഫീസിലോ ജൂണ് 28 നകം സമര്പ്പിക്കേണ്ടതാണ്. അപേക്ഷകള്ക്കും പദ്ധതികളുടെ വിശദാംശങ്ങള്ക്കും അതാത് തദ്ദേശ സ്വയംഭരണ സ്ഥാപനങ്ങളിലെ അക്വാകള്ച്ചര് പ്രമോട്ടര്മാരുമായോ മലമ്പുഴയിലുള്ള ജില്ലാ ഫിഷറീസ് ഓഫീസുമായോ ബന്ധപ്പെടാം. ഫോണ് 0491 2815245, 0491 2816061.