പാലക്കാട്: സോളിഡാരിറ്റി യൂത്ത്മൂവ്മെന്റ് കേരളയുടെയും ബൈത്തുസ്സകാത്ത് കേരളയുടെയും ഫണ്ട് ഉപയോഗിച്ച് സഹോദരൻ റഫീഖ് സൗജന്യമായി നൽകിയ സ്ഥലത്ത് പുതുക്കോട് വെട്ടുകാട് പ്രദേശത്ത് താമസിക്കുന്ന 30ലധികം കുടുംബങ്ങൾക്ക് വേണ്ടിയുള്ള കുടിവെള്ള പദ്ധതി നാടിന് സമർപ്പിച്ചു. പരിപാടിയുടെ ഉദ്ഘാടനം പുതുക്കോട് പഞ്ചായത്ത് ആറാം വാർഡ് മെമ്പർ സുഹ്റ ടീച്ചർ നിർവഹിച്ചു. സോളിഡാരിറ്റിയുടെ ഇതുപോലുള്ള പ്രവർത്തനങ്ങൾ സമൂഹത്തിന് മാതൃകാപരമാണെന്ന് ഉദ്ഘാടനപ്രഭാഷണത്തിൽ അവർ ഉണർത്തി. സോളിഡാരിറ്റി പാലക്കാട് ജില്ലാ ജനറൽ സെക്രട്ടറി സഫീർ ആലത്തൂർ അധ്യക്ഷത വഹിച്ചു. ഇശാഅത്തുൽ ഇസ്ലാം മസ്ജിദ് ഖത്തീബ് അബുഫൈസൽ,മഹല്ല് സെക്രട്ടറി സുലൈമാൻ, പ്രദേശവാസി മൻസൂർ എന്നിവർ ആശംസകൾ നേർന്നു.സോളിഡാരിറ്റി ആലത്തൂർ ഏരിയ പ്രസിഡണ്ട് ഉസ്മാൻവെങ്ങന്നൂർ സ്വാഗതവും സോളിഡാരിറ്റി പുതുക്കോട് യൂണിറ്റ് സെക്രട്ടറി അഫ്താബ് നന്ദിയും പറഞ്ഞു. സോളിഡാരിറ്റി പാലക്കാട് ജില്ലാ സമിതി അംഗം ഫൈസൽ പുതുക്കോട് ഖിറാഅത്ത് നടത്തി. സോളിഡാരിറ്റി ആലത്തൂർ ഏരിയ മീഡിയ സെക്രട്ടറി റിയാസ് തോണിപ്പാടം, സനൂപ് പുതുക്കോട് എന്നിവർ പരിപാടിക്ക് നേതൃത്വം നൽകി.