പെട്രോൾ, ഡീസൽ, പാചക വാതക വില വർദ്ധനവ് പിൻവലിക്കണം. – ഗാന്ധിദർശൻ വേദി.

പെട്രോൾ, ഡീസൽ, പാചക വാതക വില വർദ്ധനവ് പിൻവലിക്കണം.        – ഗാന്ധിദർശൻ വേദി.
പാലക്കാട്: ദിനംപ്രതി വർദ്ധിച്ചു വരുന്ന പെട്രോൾ, ഡീസൽ, പാചക വാതക വില വർദ്ധനവ് പിൻവലിക്കണമെന്ന് കേരളാ പ്രദേശ് ഗാന്ധിദർശൻ വേദി ജില്ലാ കോർ കമ്മിറ്റിയുടെയും മെമ്പർഷിപ്പ് അവലോകന കമ്മിറ്റിയുടെയും സംയുക്ത യോഗം കേന്ദ്ര-സംസ്ഥാന സർക്കാറുകളോട് ആവശ്യപ്പെട്ടു.  ലക്ഷദ്വീപ് അഡ്മിനി ട്രേറ്ററെ പിൻവലിക്കക, കോവിഡ് വാക്സിൻ ഓൺലൈൻ ബുക്കിങ്ങിനും, സ്പോട്ട് ബുക്കിങ്ങിനും ഉള്ള സൗകര്യം ഏർപ്പെടുത്തുക തുടങ്ങിയ ആവശ്യങ്ങളും യോഗം ഉന്നയിച്ചു.
കേരളാ പ്രദേശ് ഗാന്ധിദർശൻ വേദി ജില്ലാ ചെയർമാൻ പി.പി.വിജയകുമാർ അദ്ധ്യക്ഷത വഹിച്ചു.    2021 ലെ കെ.പി.ജി.ഡി. മെമ്പർഷിപ്പ് വിതരണോദ്ഘാടനം സംസ്ഥാന സെക്രട്ടറി പി.മോഹനകുമാരൻ നിർവ്വഹിച്ചു.  എ.ശിവരാമകൃഷ്ണൻ എം.വി.ആർ.മേനോൻ, കെ.വി. പുണ്യകുമാരി, ടി.എൻ.ചന്ദ്രൻ, പുഷ്പവല്ലി നമ്പ്യാർ, പി.കെ. സൂര്യകമാർ എന്നിവർ പ്രസംഗിച്ചു. നാളെ ജൂൺ 5 ന് പരിസ്ഥിതി ദിനം എല്ലാ മണ്ഡലങ്ങളിലും വൃക്ഷ തൈ നട്ടും അടുക്കളത്തോട്ടം നിർമ്മിച്ചും ആചരിക്കാൻ തീരുമാനിച്ചു.