കോവിഡ് രോഗികൾക്കായി ടീം വെൽഫെയർ പുതുക്കോട് ഓക്സിജൻ സജ്ജീകരിച്ചു
പുതുക്കോട് ഗ്രാമപഞ്ചായത്തിലെ ആറാം വാർഡിലെയും പരിസര പ്രദേശങ്ങളിലെയും പ്രയാസങ്ങളനുഭവിക്കുന്ന കോവിഡ് രോഗികൾക്ക് ആശ്വാസമായി ടീം വെൽഫെയർ പ്രവർത്തകർ ഓക്സിജൻ സിലിണ്ടർ സൗകര്യം സജ്ജീകരിച്ചു.
തണൽ പാലിയേറ്റീവ് കെയർ പുതുക്കോട് കേന്ദ്രികരിച്ച് പ്രവർത്തന സജ്ജമായ ഒക്സിജൻ സിലിണ്ടർ അടക്കമുള്ള വിവിധ സൗകര്യങ്ങൾക്ക് സാങ്കേതിക സഹായം ഒരുക്കുന്നത്
ക്രസൻ്റ് ഹോസ്പിറ്റൽ ആലത്തൂർ ആണ്. ആറാം വാർഡ് മെമ്പർ സുഹറ ടീച്ചർ തണൽ പാലിയേറ്റീവ് കെയർ ഭാരവാഹികളിൽ നിന്നും ഓക്സിജൻ സിലിണ്ടർ ഏറ്റ് വാങ്ങി. ചടങ്ങിൽ തണൽ ഭാരവാഹികളായ PK സുലൈമാൻ, മുസ്തഫ, ടീം വെൽഫെയർ പ്രവർത്തകനും RRT അംഗവുമായ സനൂപ് എന്നിവർ പങ്കെടുത്തു. ടീം വെൽഫെയർ പ്രവർത്തകരും RRT വളണ്ടിയർമാരും പ്രദേശത്തെ ഒരു രോഗിക്ക് ഓക്സിജൻ സിലിണ്ടറും അനുബന്ധ സൗകര്യങ്ങളുമൊരുക്കി കൊണ്ട് പ്രസ്തുത പ്രവർത്തനങ്ങൾക്ക് തുടക്കം കുറിച്ചു.
