കുതിരാനിൽ ട്രെയിലർ ലോറികൾ കൂട്ടിയിടിച്ചു
കുതിരാനിൽ കൂട്ടിയിടിച്ച ലോറിയിൽനിന്ന് ഡ്രൈവറെ പുറത്തെടുക്കാനുള്ള ശ്രമം
ഡ്രൈവറെ പുറത്തെടുത്തത് ഒരു മണിക്കൂർ പരിശ്രമിച്ച്
കുതിരാൻ: ദേശീയപാത കുതിരാനിൽ ട്രെയിലർ ലോറികൾ കൂട്ടിയിടിച്ച് ഡ്രൈവർക്ക് ഗുരുതര പരിക്ക്. വ്യാഴാഴ്ച രാത്രി എട്ടുമണിക്ക് കുതിരാൻ അമ്പലത്തിന്റെ മുൻപിൽ വച്ചായിരുന്നു അപകടം. പാലക്കാട് ഭാഗത്തുനിന്ന് വരുകയായിരുന്ന ലോറി മറ്റൊരു വാഹനത്തെ മറികടക്കാൻ ശ്രമിക്കുന്നതിനിടെ തൃശ്ശൂർ ഭാഗത്തുനിന്ന് വരുകയായിരുന്ന ലോറിയിൽ ഇടിക്കുകയായിരുന്നു. ഇടിയുടെ ആഘാതത്തിൽ ലോറിയുടെ കാബിൻ പൂർണമായി തകർന്ന് ഡ്രൈവർ അതിനുള്ളിൽ കുടുങ്ങുകയും ചെയ്തു.
ഇടിച്ച വാഹനങ്ങൾ പരസ്പരം ചേർന്നുകിടന്നതിനാൽ രക്ഷാപ്രവർത്തനം ഏറെ ദുഷ്കരമായി. ഹൈവേ പോലീസും പീച്ചി പോലീസും ഫയർഫോഴ്സും നാട്ടുകാരുടെ സഹായത്തോടെ ഒരു മണിക്കൂർ പരിശ്രമിച്ചതിനു ശേഷമാണ് ഡ്രൈവറെ പുറത്തെടുത്തത്.
